Mbi 80% e futbollisteve po kanë telashe me këpucët e futbollit
Më shumë se 80% e lojtareve të futbollit në klubet kryesore evropiane kanë përjetuar shqetësime të vazhdueshme për shkak të këpucëve të tyre të futbollit, sipas një studimi të ri.
Shoqata e Klubeve Evropiane, e cila i përfaqëson klubet e Evropës, i anketoi mbi 450 lojtare nga 16 klube elitare.
Studimi gjeti se 82% prej tyre kishin ndier shqetësime të cilat mund të ndikojnë keq në paraqitjet e tyre, ndërsa një në pesë prej tyre thanë se i kishin personalizuar këpucët në mënyrë që të ndihesh më rehat në to.
Këpucët e futbollit në tregun e sotëm janë kryesisht të dizajnuara për futbollistët e bardhë.
Të dhënat e reja tregojnë se 34% e grave në futboll, të cilat u anketuan në mënyrë të fshehtë, raportuan për shqetësime në thembër veçanërisht.
Shumica e tyre përdorën shtroja të specializuara të ofruara nga pediatër, dhe disa të tjera u detyruan të krijonin vrima në këpucët e tyre për ta shmangur fërkimin dhe fshikat e vazhdueshme.
Ky studim gjeti se shqetësimi në thembër ishte shumë më i lartë në mesin e lojtareve me ngjyrë (48%), krahasuar me 32% te lojtaret e bardha.
“Shifrat ishin tronditëse. Ne e dinim se do të gjenim diçka por ato shifra vërtet na tronditën”, tha Claire Blooomfield, shefe futbollit të grave në ECA.
