Mbappe tregon se sa afër ishte ta braktiste Kombëtaren e Francës
Ylli i Francës, Kylian Mbappe, ka zbuluar se mendonte të tërhiqej nga futbolli ndërkombëtar për shkak të abuzimeve racore që mori gjatë Kampionatin Evropian 2020.
Gjelat u rrëzuan nga Evropiani i mbajtur në vitin e kaluar me një humbje nga penalltitë kundër Zvicrës në fazën e 16-të të fundit. Mbappe humbi goditjen nga pika e bardhë në ndeshjen me eliminim direkt dhe e mbylli turneun pa gol.
23-vjeçari ishte objektiv i abuzimit racist në internet pas dështimit të skuadrës, duke rezultuar që ai të mendonte të tërhiqej nga futbolli ndërkombëtar.
“Unë thashë: 'Nuk mund të luaj për njerëzit që mendojnë se jam majmun. Nuk do të luaj”, tregoi Mbappe për Sports Illustrated. “Por më pas, unë reflektoj me të gjithë njerëzit që janë rreth meje dhe që më përkrahin, dhe mendoj se nuk ishte mesazhi i mirë që të dorëzohesha. Sepse mendoj se jam shembull për të gjithë. Kjo është Franca e re. Për këtë nuk hoqa dorë nga kombëtarja. Sepse është një mesazh për brezin e ri të thuhet: "Ne jemi më të fortë se kaq".
Mbappe ka qenë në formë të mirë për Francën që nga Euro 2020, pasi ka shënuar 11 gola në 10 ndeshje për ekipin e Didier Deschamps. Franca ka mundësinë të rikthehet nga poshtërimi i kampanjës së kaluar me fushatën e saj në Kupën e Botës në Katar më vonë këtë muaj.
Sulmuesi do të luajë këtë fundjavë kur Paris Saint-Germain do të përballet me Auxerre në Ligue 1 të shtunën. Më pas, ai do të udhëtojë në Katar me kombëtaren për Kupën e Botës, me Francën që e nis fushatën e saj me një ndeshje kundër Australisë më 22 nëntor dhe është së bashku edhe me Tunizinë dhe Danimarkën në grupin D, ku është edhe favorite për të dalë e para.
