Mbappe tregon se me kë do të dëshironte të luante në finale të EURO 2024

Ylli i Real Madridit dhe Kombëtares së Francës, Kylian Mbappe, mbetet i vendosur për ta fituar EURO 2024 me kombëtaren e tij, teksa tregoi se me kë do të donte të përballej në finale.

Ylli i ri i Real Madridit, i cili do të drejtojë 'Gjelat' në Kampionatin Evropian këtë vit, pohoi se e gjithë skuadra është e uritur për sukses pasi ata duan të bëjnë histori në Gjermani duke ngritur trofeun për herë të parë në 24 vjet.

Në një intervistë për Sport Bild, ish-ylli i Paris Saint-Germain tha: "Ne kemi ardhur në Gjermani për të bërë histori. Është puna jonë. Ne jemi gati, jemi të uritur për sukses dhe e dimë se çfarë duhet të bëjmë. Ne mund të bëjmë diçka të mirë për vendin tonë nëse e sjellim kupën në shtëpi”.

Fituesit e Kupës së Botës 2018 humbën 2:0 kundër Gjermanisë mikpritëse të Euro 2024 në një ndeshje miqësore në mars, megjithatë, Mbappe pohoi se do të dëshironte të përballej me nikoqirët e turneut në finalen e kompeticionit për shkak të guximit dhe vendosmërisë së tyre në skena më madhështore.

25-vjeçari shtoi: "Unë do të firmosja për këtë. Ndeshjet miqësore nuk llogariten! Më seriozisht, Gjermania ka një ekip të madh. Në parim, gjermanët janë gjithmonë aty kur diçka është në rrezik. Ata kthehen gjithmonë pas një pengese."

Skuadra e Didier Deschamps do të fillojë udhëtimin e tyre në Euro të hënën, ndërsa do të përballen me Austrinë në Dusseldorf Arena. Ata janë gjithashtu në të njëjtin grup me Holandën dhe Poloninë.