Mbappe thotë se i mungon koha kur luante krahë Messit
Ylli i Paris Saint-Germain, Kylian Mbappe, ka thënë se i mungon koha kur luante krahë ish-bashkëlojtarit te kampioni francez, Lionel Messi.
Tetë herë fituesi i Topit të Artë, Messi luajti dy sezone me Mbappen te PSG përpara se të kalonte te Inter Miami si lojtar i lirë në korrik 2023.
Gjatë kohës së tyre së bashku, Mbappé dhe Messi fituan dy tituj të ligës dhe një Kupë të Francës – edhe pse Messi dhe shoku i skuadrës Neymar u kritikuan në muajt e tyre të fundit në klub pasi pësuan largime të njëpasnjëshme nga Liga e Kampionëve në raundin e 1/8 së finales.
“Gjithmonë më mungon të luaj krah Leo Messit”, tha Mbappé për Amazon Prime Sport. "Për një sulmues si unë, ju pëlqen të vraponi në hapësirë, me të [në ekipin tuaj] jeni të sigurt që mund ta merrni topin. Është një luks që vetëm ai mund t'jua japë. Në përgjithësi, të luash me të, ka qenë e veçantë. Messi meriton gjithë respektin dhe në fakt në Francë, ai nuk mori respektin që meritonte”.
Mbappé, i cili shënoi të mërkurën për të ndihmuar PSG-në të fitojë trofeun e Superkupës së Francës, tha pas ndeshjes se ai ende nuk ka marrë një vendim në lidhje me të ardhmen e tij.
Fituesi francez i Kupës së Botës është një objektiv prej kohësh i Real Madridit dhe kontrata e tij me PSG skadon këtë verë.
“Nuk e kam marrë ende vendimin tim”, u tha Mbappe gazetarëve. “Nuk kam bërë zgjedhje. Por siç e kam thënë, më të rëndësishmet janë titujt. Ne kemi fituar një tashmë dhe jemi të vendosur të fitojmë më shumë."
