Mbappe me mesazh për Messin: Ti e meriton atë çmim
Lionel Messi mori një mesazh të shkëlqyeshëm nga ish-bashkëlojtari i tij te Paris Saint-Germain, Kylian Mbappe, pasi argjentinasi fitoi Topin e tetë të Artë në karrierë. Ylli francez në Instagram postoi një foto të Messit, ku shkroi se ai e meriton këtë çmim.
Reprezentuesi francez dërgoi një mesazh urimi pasi argjentinasi fitoi një trofe të tetë rekord të Topit të Artë në Paris të hënën në mbrëmje.
Ka pasur shumë debate nëse Messi duhet ta kishte fituar çmimin përpara Haalandit, pasi norvegjezi pati një sezon të shkëlqyer individual dhe kolektive, duke shënuar 52 gola në të gjitha garat gjatë rrugës për ta udhëhequr Manchester Cityn drejt një triplete historike në 2022-23.
Megjithatë, Mbappe nuk ka dyshime dhe e përshëndeti Messin si fituesin e merituar të çmimit më prestigjioz individual në futboll.
“Urime për çmimin, ti e meriton atë”.
Messi gjithashtu ndau një mesazh për Haaland dhe Mbappe gjatë fjalimit të tij të pranimit të çmimit, ndërsa ai paralajmëroi dyshen se do të ishin fituesit e ardhshëm të çmimit.
Sulmuesi i PSG-së përfundoi i treti në renditje pasi fitoi Këpucën e Artë të Kupës së Botës dhe trofeun e Ligue 1 me PSG-në. Ai kishte shënuar 55 herë për klubin dhe kombëtaren në sezonin e fundit, por nuk arriti ta udhëheqte Francën drejt titullit të dytë radhazi botëror, gjë që i kushtoi atij me humbjen e titullit të parë të Topit të Artë.
Mbappe do të kthehet në aksion të shtunën kundër Montpellier në një përballje të Ligue 1 në Parkun e Princave.
