Marotta e konfirmon se Interi e dëshiron një mesfushor si ‘qershia mbi tortë’
Drejtori ekzekutiv i Interit, Beppe Moratta, e ka pranuar se dëshirojnë ‘qershinë mbi tortë’ duke transferuar një mesfushor krejtësisht në fund të afatit kalimtar, me Maxime Lopez të Sassuolos e Tanguy Ndombele të Tottenhamit në radarin e tyre.
Shefi i Interit ishte në Monako për të marrë pjesë në shortin e fazës së grupeve të Ligës së Kampionëve, ku zikaltrit u vendosën në të njëjtin grup me Benficën, RB Salzburg dhe Real Sociedadin.
Ndërkohë, ai u mor në pyetje edhe për afatin kalimtar, i cili në Itali do të mbyllet të premten në orën 18:00.
Pas ardhjes së Benjamin Pavard, ka pasur sugjerime se Interi është ende në kërkim të një mesfushori të ri, pasi marrëveshja me Udinesen për Lazar Samardzic u prish.
“Ne jemi shumë të kënaqur me skuadrën në dispozicion të Inzaghit, por jemi gjithashtu vigjilentë në tregun e transferimeve për të parë nëse ka ndonjë mundësi për t'u shfrytëzuar. Mendoj se do të bëjmë diçka, pasi jam optimist dhe ndjej se duhet ta marrim atë qershinë mbi tortë me një lojtar që ka karakteristika që aktualisht nuk janë të pranishme në skuadër”, tha Marotta për Sky Sport Italia.
Ai u pyet konkretisht për objektivat e përfolur, të cilët janë mesfushori i Sassuolo, Maxime Lopez dhe Ndombele i Tottenham.
“Nuk dua të gëzoj apo të zhgënjej askënd që mund të jetë kontaktuar. Mund të them se po kërkojmë të kompletojmë skuadrën, kështu që nëse dikush arrin, ne do të jemi të lumtur, por nëse ai nuk e bën, ne do të jemi akoma të lumtur.”
— Alfredo Pedullà (@AlfredoPedulla) August 31, 2023
Do të ishte një rikthim në Serie A për Ndombele, i cili e kaloi sezonin e kaluar në huazim te Napoli dhe luajti rolin e tij në fitimin e titullit të Serie A-së.
