Manchester Unitedi e kontakton Evertonin për mesfushorin Onana
Manchester United po e konsideron mundësinë për ta transferuar yllin e Evertonit, Amadou Onana, me djajtë e kuq që janë në kërkim të një mesfushori deri në mbylljen e këtij afati kalimtar.
Erik ten Hag dëshiron të shtojë një mesfushor të ri në skuadrën e tij përpara fundit të afatit kalimtar të verës dhe Onana i Evertonit i përshtatet kërkesave. Megjithatë, sipas The Guardian, United do të duhet të paktën të paguajë mbi 55 milionë euro për të bindur Evertonin që ta shesë.
Everton heziton të shesë Onanën vetëm 12 muaj pasi e nënshkruan atë nga Lille për afër 40 milionë euro. ‘Toffees’ thonë se nuk janë nën presion financiar për të shitur 21-vjeçarin këtë verë, pavarësisht nevojës së tyre për të nënshkruar me një sulmues dhe besojnë se vlera e tij vetëm do të rritet.
United është lidhur me mesfushorin e Fiorentinës, Sofyan Amrabat, por nuk ka bërë asnjë përparim në ndjekjen e tij. Ndërkohë, Chelsea është afër nënshkrimit të Moises Caicedo të Brighton për 130 milionë euro ndërsa Liverpooli ka pasur një ofertë prej afër 70 milionë euro për Romeo Lavia të pranuar nga Southampton.
United nënshkroi me Mason Mount nga Chelsea në fillim të kësaj vere, por Ten Hag beson se mesfushës së tij ende i mungon fiziku. Nëse United do ta konkretizonte interesimin për Onanën, atëherë Everton do ta kishte të vështirë të refuzonte një ofertë të konsiderueshme.
