Manchester City nënshkruan me 19-vjeçarin e talentuar brazilian
Manchester City ka kompletuar nënshkrimin e mbrojtësit, Vitor Reis nga Palmeiras, siç kanë konfirmuar Qytetarët në rrjetet sociale.
Marrëveshja është me vlerë 35 milionë euro për 19-vjeçarin brazilian. Ai ka nënshkruar një kontratë katërvjeçare e gjysmë deri në vitin 2029.
Reis është nënshkrimi i dytë që arrin në Etihad Stadium pas konfirmimit të marrëveshjes për nënshkrimin e Abdukodir Khusanov nga RC Lens të hënën.
We're delighted to announce the signing of Vitor Reis ✍️ pic.twitter.com/jgFf8MaDp9
— Manchester City (@ManCity) January 21, 2025
“Jam i emocionuar që do t'i bashkohem Manchester Cityt, një prej klubeve më të mëdha në botë”, tha Reis.
“Të gjithë kanë parë arritjet e mahnitshme në sezonet e fundit, dhe unë dua të lë gjurmën time teksa ne kërkojmë më shumë trofe. Të punosh me Pep Guardiolën është diçka që çdo lojtar i ri dëshiron të bëjë dhe e di që ai mund të më ndihmojë të bëhem lojtari më i mirë që mund të jem. City gjithashtu ka shumë përvojë në punën me futbollistë brazilianë dhe bashkimi me lojtarë si Ederson dhe Savinho në skuadër do të jetë një ndihmë e madhe për mua”.
Reis do të ndiqet në Etihad nga sulmuesi i Eintracht Frankfurt, Omar Marmoush.
City ka rënë dakord për një tarifë prej 75 milionë eurosh (77.6 milionë dollarë) për egjiptianin që mund të rritet në 80 milionë euro (82.6 milionë dollarë) me shtesa të lidhura me performancën. Marmoush mbërriti në Manchester të hënën për t'iu nënshtruar testeve mjekësore përpara një njoftimi zyrtar.
Qytetarët mbeten në kërkim të një mesfushori qendror në javët e fundit të afatit kalimtar. Douglas Luiz , i cili u transferua në Juventus nga Aston Villa verën e kaluar, është një nga një sërë opsionesh që po shqyrtohen.
