Lukaku me mesazh të koduar: Kur urrejtja nuk funksionon, ata fillojnë me gënjeshtra
Romelu Lukaku ka thyer heshtjen me raportime të shumta mbi emrin e tij. Pasi ka tentuar të kërkojë falje te Interi për bisedimet sekrete, ai në rrjetin social Instagram ka postuar një mesazh të koduar, që duket si një goditje për zikaltrit, me këta të fundit që ia mbyllën derën kërkim faljeve.
Raportimet dolën së fundmi se sulmuesi belg 30-vjeçar kishte qenë në kontakt me zonjën e vjetër në lidhje me një marrëveshje të mundshme, duke i shtyrë zikaltrit të heqin dorë plotësisht nga përpjekjet e tyre për ta nënshkruar këtë verë.
Faqja e parë e Gazzetta dello Sport sot pretendoi se belgu kontaktoi Interin dhe ish-shokët e tij të skuadrës për të kërkuar falje, me sa duket në një përpjekje për të zgjidhur situatën, por që ishte një tentim i dështuar.
Duke në një ‘story’ në Instagram, Lukaku postoi një mesazh të fshehtë, duke iu referuar raportimeve të Gazzettas, duke komentuar: "Kur kjo urrejtje nuk funksionon, ata fillojnë të thonë gënjeshtra".
Sulmuesi belg 30-vjeçar tani duket se është në një gjendje harresë. Ai nuk është pjesë e projektit te Chelseat dhe Juventusi nuk mund të përfundojë një marrëveshje për të nëse nuk shesin Dusan Vlahovic në javët e ardhshme. Në sfond, interesi nga Arabia Saudite është ende i gjallë.
