Luis Enrique flet për të ardhmen: Dua të drejtoj një klub tani

Trajneri Luis Enrique ka bërë të ditur se tani dëshiron të jetë në kreun e një klubi pas largimit nga kombëtarja e Spanjës.

Pas eliminimit nga Kupa e Botës, Enrique dhe Spanja ndërpren marrëveshjen, derisa Luis De la Fuente ishte pasuesi i tij.

Enrique bëri të ditur se tani dëshiron të merr drejtimin e një klubi dhe të arrijë atë që s’ia doli me “La Roja”.

“Unë dua të trajnoj, dua të shkoj në një ekip dhe të jem në gjendje të zhvilloj me finesë dhe saktësi më të madhe atë që nuk kam mundur të bëj në ekipin kombëtar”.

Tekniku katalunas ka shpjeguar se ka pasur rastin të rinovonte me Spanjën pas Kampionatit Evropian, por nuk e pranoi.

“Është hera e parë që dikush nuk më rinovon kontratën. Unë preferoj të jetë kështu, nëse nuk ka më besim dhe në vend të kësaj ka mendimin se nuk je personi i duhur, atëherë është më mirë të largohesh. Pas Kampionatit Evropian më thanë se mund ta rinovoja kampionatin, por e shtyva deri në fund të Kupës së Botës. Mendoj se kjo ka më shumë kuptim”.

Ai theksoi se ndaj Marokut nuk luajtën më së miri, por duhet të jenë të kënaqur me atë që e bënë se bashku.

"E keqja e këtyre garave është se në 90 minuta gjithçka mund të shkojë dëm. Ne nuk luajtëm një lojë të mirë kundër Marokut, por jemi shumë të qetë dhe të kënaqur me atë që bëmë. Ne i emocionuam edhe një herë tifozët. Kur ju jepni ju duhet të jeni 100 për qind i kënaqur. Dhe unë jam."

Së fundmi, ai foli edhe për pasuesin e tij duke e quajtur fenomen.

"Ai është shumë i bukur dhe i përgatitur mirë, është një djalë që meriton të gjitha të mirat që i vijnë. Luis De la Fuente është një fenomen".