Liverpooli në çerekfinale, pavarësisht disfatës nga Interi
Liverpooli ka kaluar në çerekfinale të Ligës së Kampionëve falë triumfit me rezultat të përgjithshëm 2:1 kundër Interit, pavarësisht se u mund 1:0 nga kampioni italian në ndeshjen e kthimit në Anfield të martën.
Interi ia ndërpreu ecurinë prej shtatë fitoreve radhazi Liverpoolit, duke e mposhtur 1:0, por ky sukses qe i pamjaftueshëm që zikaltrit ta siguronin një vend në mesin e tetë më të mirëve për herë të parë që prej vitit 2011.
Lautaro Martinez e shënoi një gol të shkëlqyer për skuadrën e Simone Inzaghit pas një ore lojë në Anfield, por kartoni i kuq i Alexi Sanchez vetëm një minutë më vonë ia zvogëloi dukshëm shanset e kualifikimit atyre.
Also what a goal
— Pallab Mahato (@pallab13rkmvp) March 8, 2022
Lautaro Martinez 🔥 pic.twitter.com/uQE6EKwUtM
Sulmuesit kilian e përjashtua nga loja vetëm dy minuta pas golit të Martinezit, duke u ndëshkuar me kartonin e dytë të verdhë.
Golat e Robeto Firminos dhe Mohamed Salah nga ndeshja e parë në Milano ishin vendimtar në këtë përballje çerekfinale.
Skuadra e Jurgen Kloppit mund të ankohet për mungesë fati, megjithatë, pasi e goditi shtyllën e portës së Samir Handanovicit plot tri herë në këtë takim kthyes.
Së pari Joel Matip me një goditje me kokë, pastaj Salah dy herë në pjesën e dytë nga afërsia.
Liverpooli do ta mësojë kundërshtarin e vet në çerekfinale kur të hidhet shorti i këtij rrethi më 18 mars në Nyon të Zvicrës.
Interi nuk e ka arritur çerekfinalen në garën më prestigjioze evropiane për klube që prej vitit 2011, kur ishte mposhtur nga Schkale në këtë rreth.
Në fakt, zikaltrit ia dolën që sivjet nën udhëheqjen e Inzaghit ta kalonin fazën e grupeve për herë të parë që prej asaj kohe.
