Liverpooli identifikon zëvendësuesin e Matip, skuadra e Klopp interesohet për mbrojtësin e Wolfsburgut

Raportohet se tashmë Liverpool ka identifikuar lojtarin me të cilin dëshiron ta zëvendësojë mungesën e Joel Matip, i cili përfundoi sezonin me lëndimin e rëndë të pësuar. Bëhet fjalë për mbrojtësin e Wolfsburgut, Maxence Lacroix, i cili vlerësohet rreth 30 milionë euro dhe po shihet se caku kryesor për afatin kalimtar të dimrit për skuadrën e Jurgen Klopp.

Matip, kontrata e të cilit përfundon këtë verë, pësoi një këputje të ACL kundër Fulham, që ka të ngjarë ta mbajë atë për pjesën tjetër të sezonit jashtë fushës. Zhvillimi i papritur e ka detyruar Jurgen Klopp të përshpejtojë planet e tij për një zëvendësim dhe po shikon Lacroix, së bashku me Marc Guehi të Crystal Palace, sipas The Sun.

Lacroix iu bashkua Wolfsburgut nga Sochaux në vitin 2020 dhe ka 18 muaj të mbetur në marrëveshjen e tij, e cila mund të bëjë që klubi i Bundesligës të kërkojë 30 milionë funte për mbrojtësin e gjatë 1 metër e 90 centimetra. 23-vjeçari njihet për shpejtësinë dhe shkathtësitë e tij pasi mund të luajë në të dyja anët e mbrojtjes qendrore dhe gjithashtu si mbrojtës i djathtë.

Guehi është një opsion tjetër, por Crystal Palace janë të gatshëm të pranojnë oferta prej vetëm 50 milionë funtesh e lart, pasi ata mbeten të 'dëshpëruar' për ta mbajtur atë të paktën deri në fund të sezonit aktual.

Ndërsa, ardhja e mundshme e Lacroix do t'i jepte thellësi të vlefshme skuadrës, veçanërisht për shkak të aftësisë së tij për të luajtur në disa pozicione në prapavijë. Pavarësisht formës së paqëndrueshme të Wolfsburgut në Bundesligë, Lacroix tashmë ka siguruar që skuadra e tij të mos pranojë gol në dy ndeshje këtë sezon dhe gjithashtu krenohet me shënimin e një goli në 15 paraqitje në të gjitha garat.

Me Matip të lënduar, Klopp mbështetet te Virgil van Dijk dhe Ibrahima Konate në qendër të mbrojtjes, me opsione të kufizuara rezervë në Joe Gomez dhe Jarell Quansah. Të kuqtë kthehen në aksion kundër Crystal Palace të shtunën në Selhurst Park dhe synojnë ta vazhdojnë serinë pozitive.