Trajneri i Ballkanit, Ilir Daja është ndarë shumë i kënaqur me fitoren ndaj Prishtinës.

Ai falënderoi lojtarët për kontributin e dhënë dhe shtoi se ndihet krenar që është trajner i tyre.

"Sigurisht ishte ndeshje e vështirë, sepse janë dy ekipe të mira. Njëra është Ballkani që ka nisur të tregojë vetën në Evropë dhe tjetra Prishtina që është ekip tradicional në Kosovë”.

“Na buzëqeshi fitorja dhe djemtë dhanë maksimumin. Treguan gjithçka ndaj Prishtinës duke harruar se të enjten kanë një ndeshje tjetër. Jam shumë i kënaqur që trajnojë këta djem të mrekullueshëm".

Trajneri i FC Prishtinës, Ismet Munishi është ndarë i kënaqur pavarësisht humbjes ndaj Ballkanit.

Edhe pse para disa ditëve e vlerësoi sfidë të fituar kështu nuk rezultoi ditën e diele, mirëpo pas ndeshjes tha se është i kënaqur me lojën duke shtuar se Ballkani ka qenë më e përgatitur shkaku që ka nisur më herët stërvitjet.

"Besoj që në pjesën e dytë ishte e kënaqshme. Pranuam një gol, luajtëm me një kundërshtar që ka lujt në Evropë, e ka nisur fazën më herët, është më e kompenuar. Jam i kënaqur, falënderoj plisat dhe lojtarët".

"Fusha ka qenë e rënduar dhe padyshim ka qenë derbi në kuptimin e vërtetë të fjalës, kemi nevojë për më shumë këso ndeshjes dhe atmosfere, përveç shiut që nuk u ndal dhe tifozëve. Çdo gjë ishte në rregull, shpresoj që tifozët të vinë edhe në ndeshjet e tjera", tha ai për “Sport1”.

Kampioni i Kosovës, Ballkani ka fituar në kryeqytet ndaj Prishtinës, në kuadër të kryederbit të xhiros së pestë në Superligën e Kosovës.

"Xhebrailat" shënuan fitore me rezultat minimal 0:1.

Ndeshja ishte shumë e baraspeshuar me dy skuadrat që kishin raste të mira shënimi, por falë disa super pritjeve të Ardit Nikës, respektivisht Stivi Frashërit nuk kishte shumë gola.

Në fakt, golin e vetëm në këtë ndeshje e realizoi sulmuesi Albion Rrahmani, që shënoi me kokë pas një harkimi të saktë të mbrojtësit Armend Thaqi në fundin e pjesës së parë (45').

Ballkani në fakt kishte rastet më të mirë duke rrezikuar disa herë përmes Korenicës e Thaqit, mirëpo iu mungoi finalizimi i tyre.

Ndërkohë, Prishtina në këtë sfidë më shumë u mbrojt duke provuar të përfitojë nga kundërzbritjet, mirëpo as ato nuk u finalizuan.

Kështu, Ballkani merr fitoren e tretë në po aq ndeshje të zhvilluara, duke qenë në pozitën e dytë në tabelë me nëntë pikë, derisa Prishtina bie në pozitën e katërt me shtatë sosh.

Në xhiron e radhës, Ballkani do ta zhvillojë sfidën e vështirë kundër Dritës, derisa Prishtina do të jetë mysafir i Gjilanit.

Portieri Ardit Nika ka bërë dy pritje të mrekullueshme që t’ia mohojë golin e dytë Prishtinës.

Fillimisht Albin Berisha goditi nga afërsia, e pastaj nga pritja e Nikës provoi edhe Korenica, por asnjëri prej tyre nuk arriti t’a dërgojë topin në rrjetë.

Mbrojtësi Armend Thaqi ishte pranë të shënonte një gol të bukur nga gjuajtja e lirë.

Thaqi gjuajti përreth 17 metra distancë pasi Ermal Krasniqi u faullua, sidoqoftë goditjen e tij e ndali portieri Ardit Nika.

Trajneri Ilir Daja ka bërë zëvendësimin e parë duke larguar qendërsulmuesin Albion Rrahmani për ta zëvendësuar me futbollistin Albin Berisha.

Sulmuesi Ermal Krasniqi ishte pranë të gjente golin e dytë për Ballkanin, por që goditja e tij u ndal nga portieri Ardit Nika.

Krasniqi gjuajti nga distance, me goditjen që ishte qendrore dhe Nika me një pritje të bukur ia mohojë golin.

Ka nisur pjesa e dytë mes Prishtinës dhe Ballkanit, ku menjëherë vendasit ishin pranë të gjenin golin.

Pas një aksioni të shpejtë, mesfushori Mërgim Pefqeli kishte rastin të shënonte, por goditja e tij nga afërsia përfundoi jashtë rrjetës.

Ballkani e ka mbyllur në epërsi pjesën e parë ndaj Prishtinës me rezultat minimal 1:0.

Ndeshja ishte tejet interesante me "Xhebrailat" që shënuan golin e vetëm brenda kësaj pjese.

Ishte qendërsulmuesi Albion Rrahmani që realizoi me kokë pas një harkimi të Armend Thaqit (45+2').

Përndryshe, loja ishte tejet interesante dhe mjaftë agresive mes lojtarëve.

Ballkani ka kaluar në epërsi ndaj Prishtinës në kohën shtesë të pjesës së parë (45+2’).

Ishte sulmuesi Albion Rrahmani që realizoi me kokë pas një harkimi të mahnitshëm të Armend Thaqit.

Nazmi Gripshi provoi të shënonte nga gjuajtja e lirë, por që gjuajtja e tij përfundoi mbi portë.

Ishte mbrojtësi Armend Thaqi që u faullua afër zonës së 16-metërshit, sidoqoftë goditja e Gripshit rezultoi të jetë jashtë portës.

Mesfushori sulmues Qëndrim Zyba ka provuar të kalojë Ballkanin në epërsi me një goditje nga distanca.

Ishi i Prishtinës gjuajti nga një distancë më e lartë se 30 metra, por që goditja e tij përfundoi shumë larg rrjetës (39’).

Rezultati vazhdon të jetë i barabartë 0:0.

Kapiteni i Ballkanit, Edvin Kuc është detyruar të largohet nga fusha i lënduar.

Kuc pësoi një lëndim në mesfushë dhe pas rishikimit të stafit mjekësorë, doli në pah se nuk mundi të qëndronte më në fushë, gjë që e zemëroi pasi në kamera u pa duke goditur disa shishe me ujë.

Ndërkohë, si zëvendësues i tij, në fushë hyri ish futbollisti i Prishtinës, Qëndrim Zyba.

Kanë kaluar mbi 15 minuta të pjesës së parë mes Prishtinës dhe Ballkanit dhe rezultati mbetet i barabartë 0:0.

Dy skuadrat janë duke zhvilluar lojë të hapur, por që ende asnjëra nuk e ka gjetur rrugën drejtë rrjetës.

Futbollisti i FC Prishtinës, Bujar Pllana gjithashtu është ndëshkuar me karton të verdhë.

Pllana bëri një ndërhyrje nga prapa dhe si pasojë u ndëshkua me të verdhë.

Sulmuesi Meriton Korenica ka bërë një ndërhyrje të ashpër te Mici dhe u ndëshkua direkt me karton të verdhë.

Sidoqoftë, pavarësisht që lojtari e pranoi se e meritoi të verdhin nisën përleshjet në fushë, ku u nevojit edhe ndërhyrja e stafit që t'i qetësonte.

Ka nisur ndeshja mes Prishtinës dhe Ballkanit. Pas disa minutave me vonesë, ka nisur derbi i sotëm.

Një numër i madh i tifozëve kanë bërë të ditur disa mesazhe si "Kosova është Shqipëri".

Ndërkohë, ka edhe prej atyre që vazhdojnë me ofendime ndaj Serbisë. "Q***** Serbinë", ishte shkruar në njërën prej tyre, pranë flamurit të Shqipërisë me UÇK-në.

Para se të nis ndeshja, kanë filluar përleshjet mes dy tifozërive.

Tifozët e Prishtinës "Plisat" kanë sulmuar tifozët mysafirë "Xhebrailat" disa minuta para se të nis ndeshja.

Siç mësohet, "Plisat" shkuan te tribunat ku qëndronin "Xhebrailat" dhe i sulmuan derisa përkohësisht i larguan nga tribuna.

Për më shumë shikoni videot:

Nëse shohim statistikat, Ballkani qëndron shumë më mirë se Prishtina sa i përket pesë ndeshjeve të fundit.

"Xhebrailat" kanë fituar katër prej tyre, derisa një e humbën në penallti, që ishte e vlefshme për Kupën e Kosovës.

Rezultatet në ndeshjet e tjera në të mirë të "Xhebrailave", ishin këto: 2:0, 0:2, 2:0 dhe 0:1.

Si Prishtina ashtu edhe Ballkani tashmë kanë publikuar formacionet bazë të super derbit.

"Bardhëkaltërit" nën urdhrat e Ismet Munishit e nisin me këtë 11-she: Nika, Mici, Pllana, Bytyqi, Useini, Gashi, En. Krasniqi, Hamiti, Pefqeli, Uka, Kryeziu.

Kurse, skuadra e Ilir Dajës ka vendosur të luajë me këta futbollistë: Frashëri, Ar.Thaqi, Jashanica, Dellova, As. Thaqi, Kuc, Emërllahu, Korenica, Gripshi, Er.Krasniqi, Rrahmani.