Lille konfirmon lëndimin e Zhegrovës: Gjashtë javë jashtë fushës
Klubi i madh francez Lille ka konfirmuar se ylli i Kosovës Edon Zhegrova do të mungojë edhe për gjashtë javë.
Anësori këmbëshpejtë u dëmtua në mesin e dhjetorit, ndërsa lëndimi ka rezultuar të jetë shumë më serioz, kësisoj pritet të mos kthehet deri në mars.
Me anë të një komunikate zyrtare, Lille konfirmoi raportimet e medieve franceze se Zhegrova nuk do të jetë në gjendje të kthehet para muajit mars.
“Edon Zhegrova do të mungojë edhe për gjashtë javë. Mungoi në disa ndeshje, sulmuesi ynë Edon Zhegrova duhet të vazhdojë me protokollin mjekësor para se të kthehet për të luajtur në kompeticione. Kjo mund të ndodhë brenda gjashtë javëve”.
“I urojmë Edonit shërimin më të mirë të mundshëm”, shkroi Lille.
𝐄𝐝𝐨𝐧 𝐙𝐡𝐞𝐠𝐫𝐨𝐯𝐚 𝐚𝐛𝐬𝐞𝐧𝐭 𝟔 𝐬𝐞𝐦𝐚𝐢𝐧𝐞𝐬 𝐞𝐧𝐯𝐢𝐫𝐨𝐧 ❌
— LOSC (@losclive) January 27, 2025
Absent depuis plusieurs rencontres, notre ailier Edon Zhegrova doit poursuivre un protocole médical avant d’envisager une reprise de la compétition. Celle-ci pourrait intervenir d'ici six semaines.… pic.twitter.com/xMMjzZoYTs
Kësisoj, mbyllet edhe dera për një kalim të Zhegrovës te skuadra italiane Napoli, e cila e kishte ndër alternativat për të zëvendësuar Khvicha Kvarastkhelian, që iu bashkua PSG-së.
