Lëndim i rëndë përsëri për Neymar? Trajneri tregon për gjendjen e yllit brazilian

Trajneri i Al Hilal, Jorge Jesus, ka dhënë përditësime për lëndimit e fundit të Neymarit, me yllin brazilian që përballet me një mungesë dy javore tani.

Pas dëmtimit të ligamentit të gjurit në tetor 2023, ish-sulmuesi i Barcelonës dhe Paris Saint-Germain, Neymar kaloi 12 muaj jashtë fushës. Pas një rruge të gjatë drejt rikuperimit, 32-vjeçari u rikthye në fushë në një përballje të Ligës së Kampionëve të AFC me Al Ain.

Ai e zbukuroi atë garë përsëri kur hyri nga banka rezervë kundër Esteghlal. Neymar hyri në fillim të pjesës së dytë, por nuk arriti ta përfundonte ndeshjen pasi u pa duke çaluar në fushë, pas dëmtimit në këmbën e tij të djathtë.

Një sfidë e re tani për Neymar, me amerikano-jugorin që postoi në rrjetet sociale teksa pret kontrollet e mëtejshme mjekësore: “Shpresoj që të mos jetë asgjë serioze. Është normale që kjo të ndodhë pas një viti jashtë fushe. Mjekët më kishin paralajmëruar tashmë. Prandaj duhet të jem i kujdesshëm dhe të luaj më shumë minuta.”

Trajneri i Al Hilal, Jesus u tha gazetarëve kur u pyet se sa serioz është lëndimi i Neymar dhe nëse mund të çojë në një tjetër periudhë të gjatë rikuperimi: “Ai u kthye nga një dëmtim që nuk është i lehtë. Ai luan në një pozicion që e bën atë shumë të prekshëm ndaj kontakteve. Besoj se lëndimi i tij është muskulor, jo në gju. Ai duhet të jetë jashtë për të paktën dy javë.”

Nëse ky vlerësim është i saktë, atëherë Neymar duhet të jetë gati për ndeshjen e radhës që ai ka të drejtë loje. Pasi u la jashtë skuadrës së Al Hilal të Arabisë Saudite të Ligës Pro, ai mund të përballet me Al Sadd në Ligën e Kampionëve AFC më 26 nëntor, me Jesus duke shtuar: “Nuk e regjistrova atë në ligë sepse e dija se mund të ndodhte përsëri. Nuk është një lëndim i thjeshtë.”