Legjenda e Liverpoolit thotë se Conte dëshiron të shkarkohet nga Tottenhami
Legjenda e Liverpoolit, Jamie Carragher, ka thënë se trajneri italian, Antonio Conte, e dëshiron largimin nga Tottenhami, pas deklaratave tronditëse që bëri ky i fundit në barazimin 3:3 me Southampton.
Tottenham humbi epërsinë prej 3:1 kundër Southamptonit të shtunën në Premierligë, gjë që çoi në një shpërthim të zemëruar nga Conte në konferencën e tij për shtyp pas ndeshjes. Italiani i përshkroi lojtarët e tij si "egoistë" dhe që nuk duan të luajnë nën presion, teksa kishte kritika edhe për pronarin, ku tha se qe 20 vite nuk fitojnë asgjë me këtë njeri, por fajësojnë vetëm trajnerët.
Carragher reagoi ndaj deklaratës së trajnerit të Tottenhamit pas ndeshjes dhe mendon se italiani e dëshiron largimin nga skuadra e Premierligës.
"Conte dëshiron të shkarkohet gjatë këtij pushimi. Spurs thjesht duhet ta nxjerrin atë nga mjerimi i tij dhe ta bëjnë këtë që sonte," shkroi ai në Twitter.
Conte wants to be sacked in this international break.
— Jamie Carragher (@Carra23) March 18, 2023
Spurs should just put him out of his misery and do it tonight. https://t.co/K5gfers2ZQ
Conte pritet të largohet nga Tottenham në fund të sezonit kur i skadon kontrata me skuadrën londineze. Barazimi i së shtunës i lë Spurs ende në vendin e katërt në tabelën e Premierligës, por tani vetëm dy pikë mbi Newcastle, e cili ka dy ndeshje më pak të zhvilluara se të udhëhequrit e Contes.
Spurs do të kthehen për të zhvilluar ndeshjen e radhës vetëm pas pushimit dyjavor, ku më 3 prill takohen me Evertonin në Goodison Park.
