Lautaro Martinezi tregon besnikërinë, refuzon ofertën e çmendur nga Arabia Saudite për të qëndruar te Interi
Në mediat italiane po raportohet se ylli i Interit, Lautaro Martinez, ka refuzuar një ofertë të çmendur nga Arabia Saudite, për t’i qëndruar besnik zikaltërve.
Të premten, dolën raportime fillimisht nga Argjentina që sugjeronin se sulmuesi 25-vjeçar kishte marrë një ofertë për kontratë katërvjeçare nga një skuadër saudite e paidentifikuar me vlerë 60 milionë euro neto në sezon, një pagë me vlerë 10 herë më shumë se paga e tij aktuale në kryeqytetin e Lombardisë.
Lautaro, i cili ka edhe tre vite kontratë me Interin, është rritur në një figurë kryesore në klub dhe pritet të emërohet kapiteni i ri për sezonin e ardhshëm.
Faqja tre e gazetës së sotme të Gazzetta dello Sport detajon se si Lautaro refuzoi ofertën fitimprurëse nga Arabia Saudite, duke mos dashur të largohej nga Interi kaq shpejt.
Interi e konsideron 25-vjeçarin të pashitshëm dhe nuk do të dëgjojë asnjë ofertë nën 150 milionë euro, duke e bërë atë figurën qendrore të projektit afatgjatë.
Sezonin e kaluar, Lautaro shënoi 28 gola dhe dha 11 asistime në 57 paraqitje në të gjitha garat, duke ndihmuar skuadrën në triumfin e Kupës së Italisë, Superkupës dhe për të arritur finalen e Ligës së Kampionëve.
