Lajm i keq për Real Madridin, Camavinga nuk do të luajë deri në vitin 2024 për shkak të lëndimit
Real Madridi ka marrë një lajm të keq. Rezultatet e testeve mjekësore të Eduardo Camavinga, thonë se ylli francez nuk do të jetë i aftë të paraqitet më në vitin 2023, pas lëndimit që pësoi me Kombëtaren e Francës në stërvitje.
Francezi u lëndua në stërvitje pa dashje nga ylli i Paris Saint-Germain, Ousmane Dembele. Camavinga më pas i është nënshtruar testeve dhe Relevo raporton se 21-vjeçari do të mungojë deri në vitin 2024, me shtatë ndeshje që do të zhvillohen nga tani deri në Vitin e Ri.
I riu ka qenë i jashtëzakonshëm për Realin këtë sezon dhe ofron një opsion për Carlo Ancelottin si në mesfushë ashtu edhe në krahun e majtë të mbrojtjes. Ai ka bërë 17 paraqitje në të gjitha garat deri më tani këtë sezon. Prandaj humbja e tij do të ndihet shumë dhe do të rrisë më tej varësinë nga ylli anglez Jude Bellingham.
Reali ka disa ndeshje të vështira në vazhdim; para fillimit të vitit, ata do të luajnë me Cadiz, Granada, Real Betis, Villarreal dhe Alaves në La Liga para vitit 2024. Ata gjithashtu do të përballen me Napolin dhe Union Berlin në Ligë të Kampionëve.
Real përballet me Cadizin fundjavën e ardhshme. Franca ndërkohë do të luajë me Gjibraltarin dhe Greqinë pa Camavingan.
