Kylian Mbappe konfirmon se do të “zyrtarizohet” sonte te Real Madridi
Sulmuesi Kylian Mbappe ka konfirmuar se të hënën do të zyrtarizohet si lojtar i Real Madridit.
Francezi ka nënshkruar të gjitha dokumentet për t’iu bashkuar skuadrës madrilene, ndërsa pritet të hedh firmë për pesë vitet e ardhshme.
Në një bisedë me presidentin e Francës Emmanuel Macron, Mbappe i konfirmoi se sonte do të zyrtarizohet te Reali.
“Kur do të bëhet zyrtare në Madrid? Sonte, sonte”, thuhet se ishte përgjigja e shkurtër por e qartë e yllit francez.
Mbappe do të bëhet lojtari më i paguar te Real Madridi, ndërsa do të merr një bonus prej 100 milionë eurove brenda pesë viteve.
💣 MBAPPÉ confirma que su fichaje por el REAL MADRID se hará OFICIAL "ESTA TARDE".
— El Chiringuito TV (@elchiringuitotv) June 3, 2024
Vía 'rmc'. pic.twitter.com/IVke5nW49p
Francezi ndër të tjera do të nënshkruajë kontratë deri më 2029, duke plotësuar ëndrrën për të veshur fanellën galaktike.
Përndryshe, Mbappe pritet të mos jetë transferimi i vetëm meqenëse Real Madridi e do me ngulm edhe Alphonso Daviesin e Bayern Munichut.
