Kohë të vështira për Barcelonën, Joao Felix mungon ndaj Napolit në Ligë të Kampionëve
Ylli portugez i Barcelonës, Joao Felix, ka pësuar një dëmtim në kyçin e këmbës, i cili pritet ta mbajë atë jashtë fushës së gjelbër, për së paku ndeshjen e parë të fazës së eliminimit direkt në Ligë të Kampionëve, ndaj Napolit.
Barcelona njoftoi përpara ndeshjes së tyre në La Liga kundër Osasuna se Felix ka munguar për shkak të një dëmtimi në kyçin e këmbës të pësuar në stërvitje. Klubi pret që i huazuari i Atletico Madrid të mungojë rreth një muaj për shkak të problemit, sipas ESPN. Një shkallë e tillë kohore do të thotë se Felix ka të ngjarë të mos e luajë ndeshjen e parë të raundit të 1/8 së finales në Ligë të Kampionëve me kampionët aktual të Serie A Napoli në Stadio Diego Armando Maradona më 21 shkurt.
Lëndimi i Felix është një lajm më i keq për Barcelonën në ditët e vështira për gjigantët katalanas. Barca u mund 5:3 nga Villarreali herën e fundit në La Liga, me Xavin që njoftoi pas ndeshjes se do të largohej si trajner në fund të sezonit. Lëndimi i Felix do të thotë se ai gjithashtu i bashkohet një liste në rritje të lojtarëve kryesorë që aktualisht janë jashtë fushës për Barçën. Marc-Andre ter Stegen, Alejandro Balde, Gavi dhe Raphinha janë gjithashtu aktualisht jashtë fushës.
Felix është golashënuesi më i mirë i Barcelonës në Ligën e Kampionëve deri më tani këtë sezon me tre gola në katër ndeshje për skuadrën e Xavit.
Skuadra e Xavit do të përballet me Osasunën sot dhe do të synojë t'i rikthehet fitoreve pas humbjeve ndaj Athletic Club dhe Villarreal dhe në një përpjekje për të ndërtuar një moment përpara ndeshjes në Ligë të Kampionëve. Barca aktualisht është e katërta në La Liga, 11 pikë prapa liderit Girona që ka luajtur një ndeshje më shumë.
