Klopp tregon çka i tha gjyqtarit gjatë fjalosjes
Trajneri i Liverpoolit, Jurgen Klopp zbuloi komentin që gjyqtari Paul Tierney i bëri atij teksa e kishte ndëshkuar me karton të verdhë për festimin e tij në fitoren 4:3 të skuadrës së tij ndaj Tottenhamit të dielën.
Liverpool hodhi poshtë një epërsi të hershme me tre gola kundër Spurs, duke arritur kulmin kur Richarlison shënoi një gola barazimi në kohën shtesë. Megjithatë, sulmuesi i të kuqve, Diogo Jota shënoi golin e fitores vetëm një minutë më vonë, me Klopp që festoi në fytyrë të gjyqtarit të katërt John Brooks.
Tierney i dha një karton të verdhë Kloppit dhe trajneri i Liverpool tha pas ndeshjes se ishte i zemëruar nga vërejtjet që gjyqtari i bëri atij në vijën e kufizuar për trajnerë, duke i përshkruar ato vërejtje "jo në rregull".
Në një konferencë shtypi të martën përpara ndeshjes së skuadrës së tij në Premierligë kundër Fulhamit, Klopp zbuloi atë që tha Tierney: "Nuk mund t'i afrohesha gjyqtarit të katërt, ndjeva muskulin tim të cilin e tërhoqa gjatë festës. Kjo është si filloi gjithçka. Pastaj Paul Tierney erdhi tek unë, nuk e prisja një karton të kuq, prisja të verdhë. Ai më tha: "Për mua është i kuq, por pasi je tallur me gjyqtarin e katërt është i verdhë". I thashë: "Karton i kuq për çfarë?"
"Unë hyra brenda, u përpoqa të qetësohesha dhe nuk munda kur fola me shtypin. Pastaj thashë se ajo që tha ai ishte 'nuk ishte në rregull'. Mendova se nuk ishte në rregull sepse nuk ishte sjellje për karton të kuq, por unë bëra që ky rast të merrte vëmendjen. Thjesht duhet të kisha thënë se ai tha se ishte një karton i kuq. Në vazhdim thashë gjëra që i ndjeva në atë moment."
Mediat britanike raportuan të martën se Klopp mund të përballet me një ndalim të gjatë për festimin e tij, me Federatën Angleze të Futbollit që pritet të mbajë një qëndrim për të treguar se po mbron zyrtarët e ndeshjes.
Kur u pyet për një ndalim të mundshëm, trajneri gjerman tha se është penduar për veprimet e tij dhe po përgatitet për ndëshkim: “Nuk duhej të kisha thënë atë që thashë, por nuk gënjeva.
"Nuk është në duart e mia se çfarë po ndodh tani. Ne fituam një ndeshje 4:3 në një mënyrë fantastike dhe [të vetmet] tituj që krijova [ishin negativë]. Ne presim një reagim sepse të gjithë na thonë se [një ndëshkim] do të vijë."
Klopp pësoi një dëmtim të kofshës gjatë festimit, për të cilin ai tha se do të ishte mjaft i rëndë, sa për të mbajtur një lojtar jashtë fushe për gjashtë javë.
Ndeshja e radhës e Liverpoolit zhvillohet nesër kundër Fulhamit në Anfield në kuadër të Premierligës, me fillim nga ora 21:00.
