Klopp: Manchester City është sfida më e madhe që mund të përballesh në futboll
Trajneri i Liverpoolit, Jurgen Klopp, ka folur sot në konferencë për media, para ndeshjes kryesore të javës së 11-të në Premierligë ndërmjet Liverpoolit dhe Manchester Cityt. Ai ka thënë se ndeshja kundër qytetarëve është sfida më e madhe që mund të përballesh në futboll.
“Mund të jetë vendimtar për titullin këtë vit, thjesht mund të mos jemi ne. Kur luani me Cityn, rezultatet majtas dhe djathtas nuk janë vërtet të rëndësishme sepse kjo lojë merr të gjithë fokusin tuaj dhe të gjitha gjërat që dini për futbollin.
"Më pëlqen të përgatis lojën, por është sfida më e madhe me të cilën mund të përballesh në futboll. Mbyllja e hapësirave dhe lojtarëve, sfidimi në zonat e duhura. Nëse i mbyllni poshtë, ata gjinden diku tjetër. Është gjithmonë një sfidë.
"Nuk është se ndihemi ndryshe. Është një lojë në shtëpi. Është Anfield, jemi ne kundër Man City dhe ekipit më të mirë të futbollit në botë, por ne do ta provojmë gjithsesi. Duke ditur se nuk ka garanci, por ne marrim ndihmë nga një stadium plot si Anfield dhe ne përpiqemi ta përdorim atë avantazh”.
Klopp gjithashtu tha se skuadra e Pep Guardiolas është aq e rrezikshme saqë harron ndonjëherë se mund t’i ‘lëndosh’.
“Kur ne kemi topin, të gjithë duhet të kenë vetëbesim, kontroll, të jenë të lëvizshëm dhe të pasojnë topin. Duhet t’i leni të mbrohen gjithashtu. Ata janë shumë të rrezikshëm, saqë nganjëherë harron se ju mund t’i ‘lëndoni’. Kjo është pjesë e presionit, të shohim se çfarë mund të bëjmë.”
Trajneri gjerman që është tashmë e shtatë vite në krye të Liverpoolit, u ndal për të folur edhe për sulmuesin më në formë në botë, Erling Haaland.
“Kur ju luani kundër sulmuesit më të mirë në botë aktualisht, ju duhet të siguroheni që ai të mos pranojë shumë topa. Kjo është sfida jonë me të, këtë do ta provojmë ta bëjmë. Kundër Cityt, kur ju arrini ta mbyllni Haalandin, hapën dyert për lojtarë të tjerë që janë të klasit botëror. Kjo nuk do ta bëjë jetën më të lehtë, por ky është problemi në futboll dhe ne do të përpiqemi të gjejmë zgjidhje.”
Klopp tregoi për ndeshjen e parë që u përball me sulmuesin norvegjez.
“Ne luajtëm kundër tij sa ishte në Salzburg. Ai ishte shumë i ri, më i ri se tani, por mund ta shihje potencialin. Nuk mendoj se ai startoi në atë ndeshje, mendoj se ishte i lënduar dhe u inkuadrua më pas.
Tashmë ishim të zënë duke menduar për të dhe si mund ta mbyllësh. Ai shënoi gjithsesi! Fizikisht, ai vendos standarde të reja. Kombinimi i të qenit vërtet fizik, teknik dhe me vetëdije sensacionale. Orientimi i tij në fushë, ai është në pozitë jashtë loje dhe e lexon shumë mirë dhe ik nga aty.
Kaq shumë gjëra të mira e bëjnë atë një sulmues. Disa nga lojtarët më të mirë në botë rreth tij janë aty për ta gjetur me një pasim dhe ai të shënojë gol. De Bruyne, Gundgoan, Foden, Mahrez. Kjo është një përshtatje e përsosur, pa dyshim për këtë."
