Këndellet Liverpooli, shënon fitore të thellë ndaj Leeds Unitedit
Liverpooli ka arritur ta gjejë fitoren në Premierligë, pas një serie negative prej katër ndeshjeve pa fitore, duke mposhtur me rezultat të thellë 6:1 Leeds Unitedin në udhëtim.
Duke përfshirë këtë ndeshje, të kuqtë në pesë ndeshjet e fundit kanë humbur dy ndeshje, kanë barazuar po aq, ndërsa kjo është fitorja pas më shumë se një muaji, me të fundit fitore ndaj Manchester Unitedit me rezultat 7:0 më 5 mars.
Faza sulmuese ishte në formë të mirë në këtë ndeshje, me Mohamed Salah, Cody Gakpo dhe Diogo Jota që shkëlqyen.
Golin e parë të ndeshjes e shënoi holandezi Gakpo në minutën e 35-të, i asistuar nga Alexander Arnold.
Vetëm katër minuta më pas për dyfishimin e epërsisë u kujdes Salah, ndërsa asistues ishte Jota dhe me epërsinë 2:0 përfundoi pjesa e parë.
Në 45 minutat e dyta u shënuan plot pesë gola, katër nga të cilët u shënuan mysafirët dhe vetëm një gol ngushëllues për Leeds.
Dy minuta pasi filloi pjesa e dytë, Luis Sinisterra ngushtoi rezultatin në 2:1 dhe kaq ishte për vendasit në këtë takim.
Diogo Jota rikthye epërsinë prej dy golave për Liverpoolin shumë shpejt në minutën e 52-të.
Mohamed Salah shënoi të dytin personal dhe golin për 4:1 në minutën e 64-tët.
Ndërsa për rezultatin 5:1, shënoi Diogo Jota, që po ashtu shënoi të dytin personal në minutën e 74-të
Për golin e epilogut final 6:1 shënoi sulmuesi uruguaian, Darwin Nunez, në minutën e fundit të takimit.
Pavarësisht fitores, Liverpooli vazhdon të mbetet në pozitën e tetë me nëntë pikë më pak se Newcastle United që është në pozitën e fundit që dërgon në Ligën e Kampionëve sezonin e ardhshëm, ndërsa Leeds United gjendet në një pozitë jo shumë të mirë, pasi gjenden vetëm gjashtë pikë larg vendit të fundit të tabelë, Southampton.
