Katastrofë për Manchester Cityn e Guardiolën, turpërohet edhe nga Tottenham Hotspur - NACIONALE
NACIONALE

Katastrofë për Manchester Cityn e Guardiolën, turpërohet edhe nga Tottenham Hotspur

1 vit më parë

nga NACIONALE

Manchester City e Pep Guardiola po përjetojnë kohën më të keqe që kur lidhën 'kurorë' mes vete, pasi me humbjen 4:0 nga Tottenham Hotspur, numri i humbjeve radhazi shkon në pesë.

Qytetarët janë duke përjetuar krizën më të madhe të rezultateve dhe nuk po arrijnë kurrësesi të gjejnë rrugën drejt fitoreve.

Tottenhami e filloi këtë periudhë, duke e mposhtur në Carabao me rezultat 2:1, e më pas ata vijuan duke humbur nga Bournemouth, Sporting e Brighton.

Sikur këto rezultat zhgënjyese mos të mjaftonin, tani ata kanë pësuar humbje 4:0 në shtëpi dhe sërish nga Spurs.

Përballja në Etihad Stadium ishte e niveluar sa i përket rasteve të krijuara, por që Tottenham ishin shumë konkret.

James Maddison e hapi serinë e golave në minutën e 13-të kur realizoi për 1:0, pas asistimit të Dejan Kulusevskit.

Shtatë minuta më vonë, Maddison e shënoi edhe golin e dytë personal dhe me rezultatin 2:0 u mbyll pjesa e parë e takimit.

Skuadra e Pep Guardiolës në pjesën e dytë e kërkoi golin me ngulm, por dështuan të realizonin, ndërsa Tottenham e shënoi edhe dy të tjerë.

Kësaj radhe, Pedro Porro, shënoi për 3:0 në minutën e 53-të, ndërsa Solanke ishte në rolin e asistuesit.

Teksa për rezultatin përfundimtar 4:0 realizoi Brennan Johnson.

Manchester City pas kësaj humbje turpëruese vazhdon ta mbajë vendin e dytë në Premierligë, por që rrezikon që të largohet në tetë pikë me liderin, Liverpoolin.

Në anën tjetër, Tottenham me këtë fitore shkon në kuotën e 19 pikëve dhe merr pozitën e gjashtë, ndonëse kjo renditje mund të jetë e përkohëshme.

Tjera:

Lajme të ngjashme