Kane pritet të qëndrojë te Tottenhami pasi edhe oferta e tretë e Bayernit u refuzua
Sulmuesi anglez, Harry Kane, raportohet se është i gatshëm të qëndrojë te Tottenham Hotspur, pasi edhe oferta e tretë e Bayern Munich u refuzua së fundmi nga Daniel Levy.
Tottenhami thuhet se ka rrëzuar ofertat prej dhe 80 dhe 90 milionë euro nga Bayerni për kapitenin e Anglisë, të cilit i skadon kontrata në vitin 2024, përpara se oferta e fundit e skuadrës së Bundesligës prej 100 milionë euro të refuzohej gjithashtu të hënën. Tani, Evening Standard pretendon se 30-vjeçari po përgatitet të qëndrojë te Spurs për sezonin e ardhshëm pasi ai është impresionuar nga filozofia e trajnerit të ri Ange Postecoglou dhe ka shijuar stërvitjen nën drejtimin e australianit.
Bayern thuhet se po shqyrton nëse do të bëjë një ofertë të përmirësuar për Kane, por propozimi i tyre më i fundit u kuptua se ishte ende pak më i vogël se vlerësimi i klubit të Londrës veriore për golashënuesin e tyre. Kane e ka bërë të qartë se dëshiron që e ardhmja e tij të zgjidhet deri në fillim të sezonit, i cili fillon këtë fundjavë dhe nëse nuk ka zhvillime, ai ka të ngjarë të fillojë kundër Brentford të dielën nga minuta e parë.
.png?format=pjpg&auto=webp&width=3840&quality=60)
Mbetet për t'u parë nëse Kane do të nënshkruajë një kontratë të re pasi thuhet se refuzoi propozimet për zgjatje kontrate nga Tottenham në fillim të kësaj vere.
