Juventusi e pezullon pa pagesë Paul Pogban
Sipas La Gazzetta dello Sport, Juventusi ka ngrirë pagën e Paul Pogbës dhe do të kursejë afër 30 milionë euro, nëse ylli francez shpallet fajtor për doping, duke bërë kështu që klubi lehtësisht t’ia ndërpresë kontratën.
Pogba u pezullua në mënyrë paraprake të hënën pasi dështoi në një test dopingu më 20 gusht pas ndeshjes Udinese -Juventus, një ndeshje e Serie A-së që ai e kaloi tërësisht në stol.
Sipas edicionit të shtypur të së mërkurës të La Gazzetta dello Sport, Juventus tashmë e ka ngrirë pagën e mesfushorit pasi, për shkak të pezullimit të tij, ai nuk mund të stërvitet me pjesën tjetër të ekipit.
Neni 5.5 i Marrëveshjes Kolektive me Shoqatën Italiane të Futbollistëve, i lejon klubet të ndalojnë pagesat e pagave nëse një futbollist pezullohet, qoftë edhe paraprakisht, pas një testi doping të dështuar.
Mund të ketë pasoja më të rënda për Pogba pasi Juventus mund të ndërpresë kontratën e tij prej 8 milionë euro në vit nëse kundër-analiza kthehet pozitive dhe nëse një gjykatë sportive e gjen fajtor francezin.
Siç raportohet nga Gazzetta, Pogba luajti vetëm 213 minuta që nga kthimi i tij në Torino në vitin 2022, kështu që Juventusi i ka paguar atij 40,000 euro neto për çdo minutë që ai ka luajtur që nga rikthimi i tij nga Manchester United.
Nëse Juventusi ndërpret kontratën e tij, ata do të kursejnë rreth 30 milionë euro bruto. Marrëveshja aktuale e Pogba në Allianz Stadium skadon në qershor të vitit 2026.
