Jo vetëm “Plisat” , as “Forca” e Vushtrrisë s’u pajisë me bileta nga FSHF-ja
Federata Shqiptare e Futbollit përpos tifozëve “Plisa”, nuk i pajisi me biletë as tifozët e Vushtrrisë “Forca”.
Gjatë ditës së hënë, “Plisat” ishin në vëmendje pasi FSHF-ja nuk iu dhuroi asnjë biletë, për dallim nga herët e kaluara.
“Klan Kosova” raporton se një situatë e tillë ka ndodhur edhe me tifozët “Forca” të Vushtrrisë.
FSHF-ja këtë tifozë zakonisht i ka pajisur me 200 bileta, por këtë herë duket se janë ‘harruar’ nga Federata Shqiptare.
Shqipëria zhvillon përballjen e fundit kualifikuese për “Euro 2024” ndaj Ishujve Faroe, ani pse e kanë siguruar pjesëmarrjen në Gjermani, mirëpo iu duhet vetëm një pikë që të avancojnë si lider.
