Javier Tebas: Barcelona favorit për La Liga-n dhe Ligën e Kampionëve
Presidenti i La Liga-s Javier Tebas beson se Barcelona mund ta fitojë kampionatin spanjoll si dhe Ligën e Kampionëve.
Katalunasit po kalojnë një ecuri të jashtëzakonshme nën urdhrat e Hansi Flick, ku janë të pamposhtur deri më tani në La Liga, ku kanë fituar 18 pikë pas gjashtë xhirove, mirëpo e nisën me humbje Ligën e Kampionëve në udhëtim te Monaco.
Tebas në një intervistë së fundmi ka bërë shaka se nëse Barcelona do të bënte transferime tjera atëherë do t’i fitonte ndeshjet me rezultat 10:0.
“Falë Zotit Barcelona nuk nënshkroi me lojtarë të tjerë, përndryshe do t’i fitonin ndeshjet me rezultat 10:0”.
“Janë favoritët për ta fituar La Liga-n dhe Ligën e Kampionëve”, tha shkurtimisht Tebas.
🗣️ Javier Tebas: “I thank God that Barcelona didn't sign more players, otherwise they would be winning matches 10-0.”
— infosfcb 𝕏 (@infosfcb) September 23, 2024
— “They are the favorites to win LaLiga and the Champions League.” pic.twitter.com/qGtaJbuu2d
Barcelona aktualisht është lider i vetëm në La Liga me 18 pikë, ku kanë shënuar plot 22 gola dhe pranuar vetëm pesë, katër më shumë se Real Madridi, që renditen në pozitën e dytë me 14 pikë të mbledhura.
