Javi Gracia: Leeds United më shkarkoi për datëlindje përmes një telefonate
Trajneri Javi Gracia ka zbuluar se Leeds United e shkarkoi në ditën e datëlindjes përmes një telefonate.
Aventura e spanjollit me skuadrën angleze përfundoi dje me Sam Allardyce që u punësua përkohësisht deri në fundin e sezonit.
Vetëm 24 orë pas humbjes 4:1, Gracia ka treguar se Leeds e njoftoi se kanë vendosur ta ndërprenë bashkëpunimin.
"Ishte datëlindja ime, 1 maj. Ishte e tëra me anë të një telefonate. Ishte për të më shpjeguar situatën".
"E tëra ishte shumë korrekte nga klubi. Duhet ta pranoja vendimin e drejtuesve dhe kjo është e gjitha".
Gracia e nisi për mrekulli duke fituar 10 pikë në gjashtë ndeshjet e para, por pastaj nisi seria negative duke pësuar katër humbje nga pesë ndeshje dhe njëkohësisht pranuar 18 gola.
Gracia u largua se bashku me drejtorin Victor Orta, shkaku që besnikëria ndaj teknikut spanjoll i kushtoi me punë edhe atij.
Sidoqoftë, Garcia ka treguar se nuk e ka fare problem shkarkimin pasi tani do të kalojë më shumë kohë me familjen.
"Do të jem më fëmijët e mi, të cilët do të mbajnë fanellën e Leeds dhe të brohorasin për klubin".
Leeds United në xhiron e radhës do t'i pret një sfidë shumë e vështirë si mysafir i liderit aktual të Premierligës, Manchester City.
