“Jam jashtëzakonisht mirënjohës” – Arteta flet për interesimin e PSG-së
Trajneri i Arsenalit, Mikel Arteta, ka bërë një deklaratë të fortë për të ardhmen e tij te Arsenali, teksa i është përgjigjur një oferte për punë e cila u raportua nga mediat franceze se Paris Saint-Germain kishin kontaktuar spanjollin.
Javën e kaluar bëri bujë një raportim se drejtori sportiv i Paris Saint-German, Luis Campos, kishte kontaktuar me Mikel Arteta për të zëvendësuar Christophe Galtier në krye të kampioni francez. Por trajneri i Arsenalit tani ka pohuar se ai ka punë të papërfunduar në klubin e Premierligës dhe është i lumtur të vazhdojë akoma në Londër.
Kur u pyet për ofertën e PSG-së, Arteta tha për Marca: "Mund të them vetëm se jam i lumtur në Arsenal. Ndihem i dashur, i vlerësuar nga pronarët tanë, Stan dhe Josh dhe kam shumë për bërë këtu në këtë klub. Jam i lumtur dhe jashtëzakonisht mirënjohës që jam në Arsenal."
Nën udhëheqjen e Artetës sezonin e kaluar, topçinjtë përfunduan në vendin e dytë pas Manchester Cityt. Arsenali kishte udhëhequr tabelën për pjesën më të madhe të sezonit, por pësoi një seri fatkeqe dëmtimesh që përfundimisht e humbën konkurrimin me qytetarët.
Në një përpjekje për të përmirësuar skuadrën e tyre për sezonin e ardhshëm, Arsenali po tregon urgjencë në tregun e transferimeve. Ata janë afër garës për të marrë Kai Havertz nga Chelsea dhe janë duke ecur mirë në garë për të nënshkruar me Declan Rice nga West Ham.
