Interi, Milani dhe Roma përmbushin obligimet e FFP-së, Juventusi pritet të mos luajë në Ligën e Konferencës
Shtëpia evropiane e futbollit, UEFA, ka njoftuar sot se Interi, Milani dhe Roma kanë përmbushur obligimet e tyre të FFP-së(Financial Fair Play) për sezonin 2022/23, ndërsa Juventusi nuk e ka plotësuar marrëveshjen dhe pritet të mos luajë fare në garat evropiane këtë sezon.
Në shtator të vitit të kaluar, të tre këto klube dhe Juventusi arritën të gjitha një marrëveshje shumëvjeçare me UEFA-n pasi nuk arritën të përmbushnin detyrimet e FFP-së. Të katër skuadrave iu dhanë gjoba, por këto gjoba u paguan vetëm në pjesë të vogla për shkak të kushteve të marrëveshjes.
Milani pagoi 2 milionë euro nga një gjobë 15 milionë euro, Juventusi 3.5 milionë nga 23 milionë euro, Interi 4 milionë nga 26 milionë euro dhe Roma 5 milionë nga 35 milionë euro. Dy klubet e para kanë një marrëveshje trevjeçare dhe dy të fundit një marrëveshje katërvjeçare.
Siç u njoftua sot nga UEFA, Milani, Roma dhe Interi kanë përmbushur të gjitha kushtet e marrëveshjeve të tyre individuale, duke i lejuar ata të ecin përpara në tregun e transferimeve të verës më të qetë, pa pengesën se do t’iu bllokohej regjistrimi i lojtarëve të rinj.
The CFCB First Chamber has announced a series of decisions involving clubs subject to FFP monitoring in the 2022/23 season: ⬇️
— UEFA (@UEFA) July 14, 2023
Juventus nuk i përmbushi objektivat e tyre mes problemeve të ndryshme jashtë fushës dhe nuk pritet të marrë pjesë në Ligën e Konferencës, sezonin e ardhshëm.
