Interi e fiton 'betejën' me Juventusin e West Hamin për Zielinskin

Raportohet se Interi tashmë është shumë afër mbylljes së marrëveshjes me yllin e Napolit, Piotr Zielinski, përpara se lojtari të bëhet agjent i lirë në verën e ardhshme, kështu duke mposhtur konkurrencën e Juventusit e West Ham Unitedit.

Il Corriere dello Sport pretendon se polaki është në prag të marrëveshjes për kushtet personale me zikaltrit, duke u transferuar në Stadio Meazza në një transferim të lirë në verë pasi kontrata e tij në Stadio Maradona skadon në qershorin e ardhshëm.

Bisedimet mes Beppe Marotta dhe agjentit të Zielinskit, Bart Bolek, thuhet se janë në një fazë të avancuar dhe sipas Tuttosport, vetëm 'mungon deklarata zyrtare' për të konfirmuar transferimin e polakit në Stadio Meazza.

Sipas Il Corriere dello Sport, Interi i ka ofruar Zielinskit një marrëveshje trevjeçare me një opsion për një sezon të mëtejshëm. Paga e propozuar është 4.5 milionë euro plus shtesat, më shumë se kontrata e tij aktuale 5 milionë euro në vit, duke përfshirë shtesat, në Napoli.

Partenopei mund të bëjë një përpjekje të fundit për ta mbajtur atë në klub, por sipas Corriere dello Sport, 29-vjeçari duket i etur për t'iu bashkuar Interit dhe refuzon ofertat nga skuadrat e tjera duke përfshirë RB Leipzig dhe West Ham e Juventus.