IFAB ndryshoi rregulloren për shkak të Martinezit, Maignan bën shaka me rregullat e reja për portierët
Portieri i Francës dhe Milanit, Mike Maignan, ka bërë një postim sarkastik në rrjetin social Twitter, ku ka treguar se si portierët duhet të veprojnë që të mos bien ndesh me rregullat e reja të lojës për portierët, të cilat u ndryshuan pas veprimeve të Emiliano Martinezit në Kupën e Botës.
Bordi i Federatës Ndërkombëtare të Futbollit (IFAB) njoftoi se portierët nuk do të lejohen të vonojnë ekzekutimin e një penalltie dhe nuk mund të prekin traversën ose shtyllat për t'i parandaluar apo të shpërqendrojnë goditësit e penalltisë.
Mbrojtësi i Milanit, Maignan, me sa duket nuk është i kënaqur me ndryshimet, pasi ai shkoi në Twitter për të tallur rregullat. Ai shkroi me sarkazëm: "Rregullat e reja të penalltisë IFAB 2026: Portierët duhet të kenë kurrizin e kthyer nga pika e penalltisë. Nëse penalltia shpëtohet, kundërshtari merr një goditje dënimi indirekte".
Nouvelles règles de l'IFAB pour les penalties en 2026:
— Magic Mike Maignan (@mmseize) March 25, 2023
🔄Les gardiens devront être de dos au moment du tir
❌En cas d'arrêt, coup-franc indirect https://t.co/nRpa0wi0b2
Me qëllim për të reduktuar talljet dhe shpërqendrimin e gjuajtësve, ndryshimi i rregullave vjen pas veprimeve të tepruara të portierit argjentinas Emiliano Martinez për të shpërqendruar lojtarët e Francës gjatë gjuajtjes së penalltive në finalen e Kupës së Botës vitin e kaluar, ndërsa kombi i Amerikës së Jugute fitoi atë.
Portieri, i cili priti një penallti në fitoren 4:0 të Francës kundër Holandës të premten, do të jetë sërish në aksion më 27 mars kur ‘gjelat’ do të përballen me Irlandën në ndeshjen e tyre të dytë kualifikuese për Euro 2024.
