Hakimi thotë se Mbappe e meriton Topin e Artë 2023 para Messit e Haalandit

Ylli maroken i Paris Saint-Germain, Achraf Hakimi, thotë se bashkëlojtari i tij, Kylian Mbappe, e meriton ta fitojë Topin e Artë 2023 para Lionel Messit dhe Erling Haalandit.

Reprezentuesi maroken mbështeti Mbappen për të fituar çmimin më prestigjioz individual të futbollit për herë të parë pasi pa francezin që vazhdonte fillimin e tij të shkëlqyer të sezonit duke ndihmuar PSG-në të fitonte 2:0 ndaj Borussia Dortmundit në Ligën e Kampionëve.

Sporti / PSG e fiton derbin ndaj Dortmundit, portieri e shpëton Lazion nga humbja në "frymën e fundit" ndaj Atleticos

Duke folur për beIN Sports France, Hakimi tha: "Krahasuar me atë që bëri vitin e kaluar, për mua, ai meriton të fitojë Topin e Artë. Ai është një lojtar i madh dhe shpresoj se mund ta fitojë atë këtë vit."

Messi është aktualisht kandidati kryesor për të fituar çmimin rekord të tij, të tetin Top të Artë, pasi fitoi Kupën e Botës në Katar vitin e kaluar me Argjentinën. Haaland është gjithashtu aty, pasi shënoi 56 gola në sezonin e tij debutues për Manchester Cityn, me këta të fundit që fituan tripletën historike.

Mbappe humbi titullin e Kupës së Botës pasi Franca humbi nga Argjentina në finale pas penalltive, por ai ishte golashënuesi më i mirë në turne dhe arriti të shënonte 41 gola në nivel klubesh për PSG-në në sezonin 2022-2023.