Hadërgjonaj optimist: Kemi një shans të mirë për të shkuar në Botëror
Mbrojtësi Florent Hadërgjonaj është optimist se Kosova mund t’i mposhtë të gjithë kundërshtarët dhe të kualifikohet për herë të parë në Kampionatin Botëror.
Futbollisti i Alanyaspor në një intervistë për “Blick” thotë se pret një përballje të vështirë dhe emocionuese ndaj Zvicrës, ndërsa është i sigurt se stadiumet do të jenë të mbushura plotë.
“E njohim mirë njëri-tjetrin dhe jemi të pamposhtur ndaj Zvicrës. Është e qartë se është grupi më i fortë dhe emocionues në këto kualifikime”.
“Sllovenia? Mund të jenë gjithçka por jo të dobët, kanë kualitet në sulm. E pamë në Kampionatin Evropian sa të kompunuar janë si skuadër dhe gjithashtu kanë lojtarë individualë të mirë”.
“Përballja me Zvicrën? Stadiumi në Prishtinë dhe Zvicër padyshim që do të jetë i plot sërish. Kualifikueset në Evropianin e fundit ishin shumë të veçanta për mua dhe familjen time”.
I pyetur për favoritin, Hadërgjonaj shtoi: “Do të jetë një sfidë e madhe për ne, por më në fund mund të arrijmë diçka historike. Mendoj se kemi një shans që të shkojmë në Kupën e Botës dhe padyshim do të provojmë deri në fund”.
Kosova më 5 shtator do t’i nis kualifikueset si mysafir i Zvicrës, ndërsa tre ditë më vonë e pret Suedinë. Mirëpo fillimisht “Dardanët” po e synojnë kualifikimin në Ligën B të Ligës së Kombeve, andaj do të zhvillojnë dy përballje me Islandën në muajin mars.
