Gundogan tregon se pse do ta mbajë fanellën me numrin 22 te Barcelona

Mesfushori i ri i Barcelonës, Ilkay Gundogan, ka treguar arsyen se pse te katalunasit do ta mbajë fanellën me numrin 22, duke i dhënë fund periudhës prej një dekade që ka mbajtur numrin tetë.

Duke postuar një shpjegim në Twitter, mesfushori gjerman zbuloi se fanella e tij e re me nr. 22 është një kujtim për kohën e tij në skuadrën e Bundesligës FC Nurnberg, ku ai kishte veshur të njëjtin numër ndërmjet viteve 2009 dhe 2011. "Fanella ime e vjetër dhe e re me numrin 22. Kujtime të bukura nga e kaluara... dhe tani i sigurt për një sezon të suksesshëm me [Barcelonën] përpara”, shkroi ai.

Ka pasur shumë spekulime rreth numrit të fanellës së Gundoganit te Barca, me 32-vjeçarin që mbante numrin 14 gjatë parasezonit, mes thashethemeve se klubi i kishte ofruar atij edhe fanellën e vjetër me nr. 5 të Sergio Busquets pas largimit të mesfushorit spanjoll te Inter Miami muajin e kaluar. Megjithatë, në fund ai zgjodhi fanellën me numrin 22, në nderim të kohës së tij në ekipin e Bundesliga 2, e cili i dha atij hapësirën për shpërthimin e tij të madh në vitin 2009.

Futboll / Ilkay Gundogan vendos t’i bashkohet Barcelonës, refuzon Man Cityn dhe Arsenalin

Për më shumë se një dekadë, mesfushori gjerman ka veshur numrin 8 - preferenca e tij si në Borussia Dortmund ashtu edhe në Manchester City - megjithatë, ky numër i skuadrës është marrë tashmë nga shpresa e fundit e madhe e Barçës, mesfushori i ri i talentuar i Spanjës, Pedri, kështu që ai ishte i detyruar të rimendojë opsionet tjera.

Barcelona përballet me Getafen në ndeshjen e parë të sezonit 2023-24 të La Ligës të dielën. Megjithatë, aktualisht është e paqartë saktësisht se si Gundogan do të përshtatet në planet e mesfushës së Xavit, me lojtarët kyç si Gavi dhe Pedri së bashku me Frenkie de Jong dhe Oriol Romeu për të ofruar konkurrencë serioze për ish-yllin e Cityt. Se si do të formohet formacioni fillestar i Barçës në ditën e hapjes, mbetet të shihet.