“Guardiola rikrijoi trurin tim” – Stones pëlqen të punojë nën urdhrat e Guardiolës
Ylli i Manchester Cityt, John Stones, thotë se Pep Guardiola e rikrijoi trurin e tij, por gjithashtu tregoi se me çfarë vështirësi u përball gjatë përshtatjes në rolin e tij të ri në skuadër.
Mbrojtësi anglez ka mbetur i mahnitur nga truri i futbollit të Guardiolës. Pasi u bashkua në 2016 nga Everton, ai u përdor si qendërmbrojtës dhe lulëzoi së bashku me Ruben Dias në zemër të mbrojtjes. Por kohët e fundit, ai është zhvendosur në rolin e një mesfushori defensivë me tre mbrojtësit e tjerë të pozicionuar më ngushtë për të anuluar kërcënimet e mundshme nga kundërsulmet. Guardiola i besoi atij përgjegjësinë e re dhe mbrojtësi pati fjalë të mira për trajnerin e tij që e ndihmoi të vendosej dhe të përmirësohej në këtë sistem.
"Mendova se e njihja futbollin në një shkallë të mirë kur erdha. Pep më bëri të ndihesha sikur nuk dija asgjë. Ai m'i hapi sytë për kaq shumë, ai ka rikrijuar trurin tim. Të jesh një mbrojtës për Pep është shumë shpërblyese . Ai pret shumë nga ne që të fillojmë të luajmë dhe është shpërblyese kur je stërvitur vazhdimisht, atë që ai dëshiron dhe e sheh se si po shkon. Më pëlqen absolutisht, po mësoj. Çdo vit ka diçka të re." tha ai në një intervistë për Daily Mail. "E kisha bërë këtë rolin disa herë në rrethana të ndryshme, por pa qenë i përhershëm siç është tani. Ai e pa me atributet e mia se mund ta thjeshtonte dhe të më ndihmonte të përmirësohesha në atë sistem," shtoi ai.
Megjithëse Stones ka lulëzuar si mesfushor defensivë, ai pranoi se tranzicioni nuk ishte aspak i lehtë dhe se duhej të "formohej dhe të mësohej" për të kuptuar nuancat e rolit.
"Djemtë që luajnë në atë pozitë e kanë bërë atë gjatë gjithë jetës së tyre dhe ata e kanë këtë vizion 360 shkallë pa shikuar fare. David (Silva) për shembull, ai e dinte se ku ishin të gjithë të tjerët pa shikuar aspak. Gjëra të vogla të tilla më është dashur t'i formoj, të mësoj dhe ta shikoj veten shumë pak. Gjëja 360 shkallë ishte më e vështira për mua. Unë nuk e kam marrë fituar ende 100%. Ndjej se bëj më shumë tani, por kjo është nga të mësuarit se ku ta marr topin dhe si ta marr atë në situata të caktuara. Kjo ishte një nga gjërat në nisje aty ku po luaja pak më i sigurt. Në një situatë ku topi vinte shpejt ose në një zonë të ngushtë, nuk po kërkoja të dilja sepse nëntë nga 10 herë ndoshta do ta humbja topin", shpjegoi ai.
