Guardiola pas disfatës: Skuadra më e mirë fitoi

Trajneri Pep Guardiola e pranoi se “skuadra më e mirë fitoi” pasi Man City pësoi humbje nga Paris Saint-Germain.

Edhe pse ishin në avantazh prej dy golave, francezët arritën ta përmbysnin epërsinë për t’i arkëtuar pikët e plota, me epilogun përfundimtar që rezultoi të jetë 4:2.

Guardiola pas humbjes e pranoi se PSG-ja zhvilloi lojë shumë më të mirë dhe me plot meritë e fitoi ndeshjen.

“Kishim momentet tona dhe ata (PSG) kishin momentet e tyre, por ishin më të mirë”.

“Ishin më të shpejtë, i fituan duelet, nuk mund të përballeshim me ta. Ishin të shpejtë. Skuadra më e mirë fitoi. Loja nuk shkoi ashtu siç kërkonim”.

“Për të mbrojtur rezultatin duhet ta mbash topin, nuk e kemi bërë. Ata e mbajtën më shumë, sulmuan më mirë prandaj u bë shumë më vështirë”.

I pyetur nëse ekziston mundësia që City të mos kualifikohet fare në raundin e play-off, Guardiola shtoi: “Mund të ndodhë. Do të shohim”.

“Nëse nuk fitojmë (ndaj Brugge), nuk e meritojmë. Të gjitha ndeshjet si mysafir kanë qenë të vështira, por është realitet. Nuk kemi marrë pikë të mjaftueshme”.

“Kemi një shans të fundit në shtëpi, do të bëjmë gjithçka aty”.