Greenwood stërvit me bashkëlojtarin e tij te Manchester Unitedi, në pritje të vendimit final

Mason Greenwood, është fotografuar duke stërvitur me bashkëlojtarin e tij te Manchester Unitedi, Anthony Elanga, derisa është në pritje të një vendimi final për të ardhmen e tij.

Greenwood po përpiqet të mbajë veten në formë ndërsa pret verdiktin përfundimtar të një hetimi të brendshëm nga Unitedi.

Futboll / U lirua nga akuzat, por Man United bën të ditur se Mason Greenwood nuk do të rikthehet në stërvitje

Sulmuesi nuk ka luajtur për klubin që nga janari i vitit 2022, kur ai u pezullua pasi u akuzua për tentativë përdhunimi, sjellje shtrënguese dhe sulm, por akuzat kundër tij janë hequr që atëherë.

Greenwood mbetet i pezulluar nga Unitedi ndërsa ata vazhdojnë hetimin e tyre të brendshëm.

Megjithatë, ai është fotografuar duke stërvitur i vetëm, mes bisedave se ai mund të lejohet të kalojë në Serie A në formë huazimi, me interesimin që po flitet se po vjen nga Roma.

Një foto e re e publikuar nga The Sun tregon Greenwoodin duke buzëqeshur së bashku me shokun e skuadrës te Unitedi, Elanga dhe lojtarin e Udineses, James Abankwah.

Elanga dhe Greenwood kaluan së bashku në akademinë e Unitedit. Greenwood erdhi në skuadrën e parë në vitin 2018, me Elangan që ndoqi shembullin tre vite më vonë.

Unitedi në anën tjetër është gati të fillojë turneun e tyre para-sezonal pa Greenwood ndërsa përgatiten për një ndeshje miqësore kundër Leeds të mërkurën.