Gjyqtari italian që pritet ta gjykojë finalen e EURO 2024 e njofton pensionimin pas Evropianit

Daniele Orsato, ka njoftuar se do të pensionohet nga 'bota e gjykimit të ndeshjeve' pas përfundimit të EURO 2024, ku shpreson se Italia do të triumfojë, që sipas tij do të ishte dëshirë më e madhe se ta gjykonte ai finalen.

Gjyqtari italian foli për Sky Sport Italia përpara turneut, i cili fillon në Gjermani më 14 qershor dhe do të përfundojë me përballjen finale më 14 korrik.

Ai konfirmoi që karriera e tij do të përfundojë pas Evropianit.

“Unë mbyll një përvojë të mrekullueshme dhe jam shumë krenar, si për mua ashtu edhe për familjen time. Unë do t'i jap të gjitha, jam krenar për atë që kam bërë dhe do të vazhdoj të jap më të mirën deri në fund.”

Duke marrë parasysh përvojën dhe cilësinë e tij, Orsato është një nga kandidatët për të gjykuar finalen e EURO 2024. Pra, a shpreson të shohë karrierën e tij të përfundojë me gjykimin e asaj përballje?

“Natyrisht, ajo për të cilën shpresojmë të gjithë është se Italia fiton turneun. Do të isha krenar dhe i lumtur nëse do të gjykoja finalen, por nëse Italia fiton, do të jem po aq i lumtur.”

Nëse një komb arrin fazat e mëvonshme të eliminimit direkt, atëherë gjyqtarët e tyre dërgohen në shtëpi për të shmangur konfliktet e mundshme të interesit.

Gjyqtari Orsato gjithashtu ka qenë i lidhur me një rol të ardhshëm kryesor në Serie A, por 48-vjeçari ka mohuar raportimet.

“Jo, gjithçka që shoh është familja ime, gruaja ime dhe fëmijët. Unë nuk shoh asgjë më shumë se ata.”

Orsato tashmë ka gjykuar finalen e Ligës së Kampionëve 2019-20 dhe play-off vendimtar EURO 2024 midis Uellsit dhe Polonisë.

Ai u përpoq të mbante lotët kur gjykoi lojën e tij të fundit në Ligë të Kampionëve, por që lotët e tradhtuan në fund.