Formacionet zyrtare: Benfica - Inter, Kristjan Asllani nga minuta e parë

Ashtu siç ishte paralajmëruar, Simone Inzaghi ka bërë shumë ndryshime për ndeshjen e sotme të Ligës së Kampionëve, ku do të përballen me Benficën, e një nga ndryshimet është që Kristjan Asllani do të jetë nga minuta e parë në lojë.

Ndryshimet e mëdha te Interi vijnë edhe si rrjedhojë se zikaltrit kanë siguruar tashmë kalimin në fazën tjetër, atë të eliminimit direkt.

Sporti / Inzaghi me tetë ndryshime në formacion kundër Benficës, Kristjan Asllani pritet të luajë nga minuta e parë

Kundërshtari i sotëm i skuadrës italiane është Benfica e cila është e fundit në grup, pa asnjë pikë të mbledhur.

Formacionet zyrtare:

Trajner i Benficës ka zgjedhur më të mirët e tij në dispozicion, ngase shpresojnë në vendin e tretë, që i çon në Ligë të Evropës.

Benfica (4-3-3): Trubin; Aursnes, Antonio Silva, Otamendi, Morato; Florentino, Rafa Silva, Joao Neves; Di Maria, Tengstedt dhe Joao Mario.

Në anën tjetër te Interi janë bërë tetë ndryshime nga ndeshja e fundit ndaj Juventusit, me Kristjan Asllanin që do ta udhëheqë mesfushën.

Interi(3-5-2): Audero; Acerbi, De Vrij, Bisseck; Augusto, Klaassen, Asllani, Frattesi, Darmian; Alexis Sanchez dhe Arnautovic.

Përballja zhvillohet në Lisbonë me fillim nga ora 21:00.