Flaka Loxha stoliset me të argjendtën në Bullgari
Xhudistja kosovare Flaka Loxha ka siguruar medaljen e argjendtë në "European Open Sofia", që u mbajt në Bullgari.
Loxha ishte e jashtëzakonshme në këtë turne, por në finale pësoi humbje nga xhudistja bullgare Ivelina Ilieva në kategorinë deri në 57 kilogramë.
Rrugëtimi i Loxhës deri në finale
Loxha në xhiron e parë ishte e lirë, në xhiron e dytë ajo mposhti me Ippon belgen, Eveline Delbaen.
Në çerekfinale mposhti me Wazaari dhe Ippon garuesen nga Bosnja dhe Hercegovina, Andjela Samardzic.
Këtë rrugëtim të shkëlqyer e vazhdoi edhe në gjysmëfinale ku mposhti me dy Wazaari për Ippon, spanjollen Adriana Rodriguez Salvador.
Sidoqoftë, fati nuk ishte në anën e saj në finale ku Ilieva fitoi një pikë në fillim dhe pastaj e fitoi me ippon.
Ndërkohë, deri në fund për të bronztën luftoi edhe xhudisti Dardan Cena, mirëpo në fund pësoi humbje nga xhudisti prej Bosnja Hercegovinës, Lucian Dumitrescu.
