F1: Leclerc fiton në Bahrain, dështon Verstappen - Hamilton vetëm në podium
Ka përfunduar gara e parë e sezonit të ri në Formula 1, me vozitësin e Ferrarit, Charles Leclerc që arriti fitore të madhe.
Ferrari dëshmoi formën e lartë me Leclerc që ishte i mrekullueshëm në këtë garë dhe me plotë meritë doli fitues në fund.
Për dy vozitësit më të mëdhenj të vitit të kaluar, Max Verstappen i Red Bull (kampioni momental i botës) dhe Lewis Hamilton i Mercedes, në këtë garë nuk treguan atë që pritej.
Holandezi doli nga pista në xhiron më të rëndësishme, atë të fundit, duke e lënë Hamiltonin në podium.
Kësisoj, falë kësaj lëshimi të Verstappen, Hamilton arriti të përfundojë në podium si pozitë e tretë, prapa Carlos Sainz që u rendit në pozitën e dytë, në fakt ky i fundit garoi me Ferrarin deri në fund.
Për Charles Leclerc kjo është vetëm fitorja e tretë në karrierë.
Renditja e plotë ndodhet kështu:
What an incredible start to the season that was! 😱#BahrainGP #F1 pic.twitter.com/5psskLx9cY
— Formula 1 (@F1) March 20, 2022
Pas garës, Hamilton uroi Ferrarin duke thënë se e merituan këtë fitore.
"Një urim i madh për Ferrari. Ishte garë shumë e vështirë për ne. Ky vërtet ishte rezultati ynë më i mirë që mund të merrnim", tha ai.
Ndërkohë, fituesi i kësaj gare, Chalres deklaroi se është shumë i lumtur dhe gëzohet që prapë është në krye.
"Jam shumë i lumtur. Nuk mund të shpresonim më mirë. Dy vitet e fundit nuk kanë qenë të lehta. Është mirë të rikthehesh në krye", nënvizoi ai.
CARLOS: "Ferrari is back, the hard work has paid off. Congratulations to Charles, and I managed to bring the 1-2 back for the team"#BahrainGP #F1 pic.twitter.com/afXZKUSrY6
— Formula 1 (@F1) March 20, 2022
