Erling Haaland mungon ndaj Lutonit
Sulmuesi i Manchester Cityt Erling Haaland nuk do të jetë i përfshirë në udhëtimin ndaj Lutonit në këtë mesditë.
Norvegjezi që ka shënuar 14 gola në këtë sezon në Premierligë, s’do të arrijë ta ndihmojë kampionin e Anglisë që synon t’i kthehet fitoreve pas katër ndeshjeve pa triumf.
Ai, deri të dielën, kishte filluar çdo ndeshje të ligës për Cityn deri më tani këtë sezon.
City është pa fitore në katër ndeshje pasi barazoi me Chelsean, Liverpool dhe Tottenham në ndeshje radhazi përpara se të humbiste 1-0 në Aston Villa të mërkurën.
Ata aktualisht janë në vendin e katërt në tabelën e Premierligës, shtatë pikë prapa liderit Liverpool.
Duke iu drejtuar formës së skuadrës së tij përpara ndeshjes në Kenilworth Road, Pep Guardiola tha: “Atë që ata kërkojnë nga ne, nuk kërkuan nga miqtë tanë – fare.
“Ka vetëm një skuadër që do të ‘dështojë’ për të fituar Premierligën, jemi ne. Për pjesën tjetër, (fitimi) është një sukses i madh. Çdo ekip”.
“Në fund, nëse nuk fitojnë – Arsenali, Liverpool, Chelsea, të gjithë – është normale sepse City duhet të fitojë. Është e padrejtë. Është e vështirë ta trajtosh këtë çdo javë, çdo tre ditë, për vite dhe vite”.
Haaland u bashkua nga Borussia Dortmund në qershor 2022 dhe vazhdoi të thyente rekordin e golave në Premierligë me 36 gola në 35 paraqitje përpara se të ndihmonte Cityn të ngrinte FA Cup dhe Ligën e Kampionëve.
