KATAR 2022 | Edhe pse u mposhtën, lojtarët e Australisë rreshtohen për të bërë foto me Messin
Argjentina e Australia u përballen dje në Kupën e Botës në Katar, jug-amerikanët fituan dhe u bënë skuadra e dytë që siguron çerekfinalen. Përveç lojës, diçka tjetër morri vëmendjen e australianëve. Lojtarët e saj u rreshtuan të shtunën mbrëma për të bërë foto me Lionel Messin.
Shtatë herë fituesi i Topit të Artë, një gjeni i futbollit, që vazhdon të prodhojë paraqitje të jashtëzakonshme edhe në moshën 35-vjeçare, shënoi në paraqitjen e tij të 1000-të në karrierë dhe ia siguroi dy herë kampionit, Argjentinës, një vend në çerekfinalet e Kupës së Botës.
Messi ishte në maksimumin e tij, me depërtimet e tij në fushë që bënin lehtë të kalueshëm lojtarët australian, të cilët luftuan deri në fund pasi skuadra e Lionel Scaloni kaloi në epërsi 2-0 falë golave të Julian Alvarez dhe Messit.
Australia e arriti qëllimin, e ngushtoi rezultatin dhe luftoi deri në fund për ta dërguar ndeshjen në vazhdime por kjo u bë e pamundur pas vërshëllimës së gjyqtarit kryesor.
Brohoritjet "Messi, Messi, Messi" jehonin në stadiumin Ahmad Bin Ali gjatë gjithë kohës, nga të gjithë të pranishmit, që po shijonin magjinë e ylli të Paris Saint-Germain.
Rreth një orë pasi përfundoi ndeshja, kur stadiumi u boshatis, një numër lojtarësh të Australisë u grumbulluan rreth dhomës së zhveshjes së Argjentinës me telefona në dorë.
All the Australia players were fanboying over Lionel Messi after the match! 😂👏pic.twitter.com/7i7teRQZfq
— SPORTbible (@sportbible) December 4, 2022
Pse? Sepse të gjithë donin një foto me njërin nga futbollistët më të mëdhenj në histori të futbollit – Lionel Messin – për ta mbajtur kujtim për të gjithë jetën.
Siç shihet edhe në pamjet e publikuara, lojtarët australianë ishin shumë të kënaqur që tani në telefonin e tyre kanë një foto së bashku me Messin, por kush nuk do të kënaqej për një gjë të tillë?
