"E papranueshme" - Ten Hag kritikohet ashpër nga legjenda angleze
Trajneri i Manchester Unitedit, Erik ten Hag, është kritikuar ashpër nga ish-sulmuesi i njohur anglez, Gary Lineker, për kritikat që holandezi iu ka bërë lojtarëve të tij në publik.
Lineker e kritikoi Ten Hagun, pas spekulimeve se Jadon Sancho po trajtohet në mënyrë mjaft të keqe, madje duke e ndarë nga pjesa tjetër e skuadrës në dhomat e zhveshjes. Anësori anglez u përjashtua nga ekipi i parë pas disa mosmarrëveshjeve me trajnerin për shkak të paraqitjeve të tij në stërvitje, por siç u raportua ditë më parë, disa lojtarë e dëshirojnë kthimin e tij në stërvitje. Lineker ka thënë se kritikat e Ten Hag në publik për Sanchon, nuk është diçka që duhet të bëhet nga një trajner.
Lineker tha në podcastin Rest is Football: "Unë mendoj se në epokën moderne menaxhimi ka ndryshuar. Ju duhet të keni lojtarë në bord. Ju nuk mund të shkoni vetëm duke bllokuar lojtarët. Në fakt, ishte gjithmonë një JO daljeve publike me lojtarët. Mendoj se kjo është fusha që do ta kritikoja pak Ten Hag. Unë nuk mendoj se ai i ka trajtuar shkëlqyeshëm situatat me lojtarë të ndryshëm tani. Ai ka pasur shumë situata, por ai ka qenë vazhdimishti i kritikuar hapur dhe publikisht dhe kjo është e vetmja gjë që ka qenë gjithmonë, edhe kur kam luajtur, e papranueshme. Ju mund të pranoni çdo lloj bllokimi në dhomën e zhveshjes, por momenti që një menaxher ju ul publikisht, është jo-jo.”
Ten Hag nuk ka qenë i vetmi person që ka kritikuar Sanchon. Ish-mesfushori Nemanja Matic ka pohuar se anësori ishte "gjithmonë vonë" gjatë kohës së tij në Old Trafford. Çdo rikthim për Sancho duket shumë i pamundur nëse ai nuk është i gatshëm t'i kërkojë falje fillimisht Ten Hag. Edhe kjo mund të mos mjaftojë me marrëdhënien mes dyshes që thuhet se është e prishur që nuk mund të rregullohet.
.png?auto=webp&format=pjpg&width=3840&quality=60)
Sancho është menduar të vazhdojë në janar në një përpjekje për ta rikthyer karrierën e tij në rrugën e duhur. Juventus dhe ish-klubi Borussia Dortmund janë lidhur me lëvizje për Sancho, ndërsa ai gjithashtu besohet të jetë një objektiv i klubeve saudite. Sancho mund të mos jetë lojtari i vetëm në largim, me Unitedin që supozohet se do të largojë shumë futbollistë nga skuadra.
