“Duhet të qëndrosh”, Lewa i kërkon Araujos të mos largohet nga Barcelona
Sulmuesi Robert Lewandowski pas triumfit në Superkupën e Spanjës i ka kërkuar bashkëlojtarit Ronald Araujo të qëndrojë te Barcelona.
Uruguaiani thuhet se po shkon drejt kalimit te Juventusi, derisa paraqitja e parë në fanellën katalunase ishte ndaj Realit pasi Inigo Martinez u lëndua.
Në kamerat e “Movistar+”, Lewandowski u pa duke i thënë bashkëlojtarit “Ronald... Ti duhet të qëndrosh”.
“Ai po qëndron, qëndro tani. Kontratë e re”, vazhdoi polaku. Megjithatë, përgjigja e vetme e Araujos ishte “vëlla”.
“Mund ta shohësh në fundin e sezonit. Për ty është më mirë. Po luan tani, këtu luan”, vazhdoi Lewa me Araujon që iu përgjigj me një buzëqeshje të lehtë.
"Ronald... You have to stay."
— Football España (@footballespana_) January 13, 2025
Robert Lewandowski to Ronald Araujo during #FCBarcelona's Supercopa celebrations. pic.twitter.com/rz7V1iXUpx
Kontrata aktuale e Araujos skadon në vitin 2026, kurse Barcelona i ka vendosur ultimatum që të rinovojë deri në verë ose do të shitet. Juventusi tashmë ka hapur negociatat për lojtarin, mirëpo interesim thuhet se ka shprehur edhe Arsenali.
Gjiganti blaugranas pritet të takohet këtë javë me agjentët e lojtarit për të diskutuar të ardhmen e tij.
