Drejtori ekzekutiv i Newcastle United diagnostikohet me kancer dhe largohet nga detyra e tij
Drejtori ekzekutiv i Newcastle Unitedit, Darren Eales, do të lirojë pozitën e tij, pasi është diagnostikuar me një formë kronike të kancerit në gjak, siç informoi klubi në rrjetet sociale.
I lindur në Chelmsford, Eales u transferua në Newcastle në korrik 2022 nga klubi i Major League Soccer Atlanta United, ku shërbeu si President dhe Shef Ekzekutiv që kur u themelua ekipi në vitin 2014.
Gjatë kohës së tij në St James' Park, Newcastle arriti në finalen e parë të kupës EFL në 24 vjet, duke humbur nga Manchester United në 2023, dhe gjithashtu u kthye në Ligën e Kampionëve sezonin e kaluar.
“Të jesh CEO i Newcastle United është një privilegj i jashtëzakonshëm dhe jam jashtëzakonisht krenar që jam pjesë e rrugëtimit emocionues të klubit”, tha Eales në një deklaratë.
“Megjithatë, më është bërë e qartë se tani është koha e duhur për të marrë këtë vendim, në mënyrë që të mund t'i jap prioritet shëndetit tim dhe familjes time."
#NUFC CEO Darren Eales is to step down from his position after being diagnosed with a chronic form of blood cancer.
— Newcastle United FC (@NUFC) September 27, 2024
He will continue to lead the club's executive team until a successor is appointed.
Our thoughts are with you, @DEalesNUFC. 🖤🤍
“Në afat të shkurtër, do të jetë si zakonisht përsa i përket drejtimit të operacioneve të përditshme të klubit dhe unë do të jap mbështetjen time të plotë për një periudhë kalimtare që do t'i mundësojë bordit të vlerësojë me kujdes dhe të emërojë pasardhësin tim. Jam krenar për atë që kemi arritur kolektivisht dhe jam i emocionuar të shoh se çfarë do të sjellë e ardhmja për të gjithë, ndërsa klubi shkon drejt një të ardhmeje me sukses të qëndrueshëm."
Eales do të vazhdojë të drejtojë ekipin ekzekutiv të klubit derisa të caktohet një pasardhës, tha Newcastle në komunikatën e saj.
