“Do të doja të shkoja në Angli” – Enrique e pranon se dëshiron të punojë me ndonjë klub në Premierligë

Ish-trajneri i Barcelonës e Spanjës, Luis Enrique, u shpreh se do të dëshironte të udhëhiqte një skuadër të Premierligës, duke shuar kështu shpresat e Paris Saint-Germain për punësimin e trajnerit spanjoll.

Spanjolli u la i lirë nga Spanja pas eliminimit të ‘Furisë së kuqe’ në 1/8 e Kupës së Botës dhe ka mbetur pa punë që atëherë. Enrique zbuloi se ka pasur oferta për të udhëhequr kombëtare të ndryshme, por ai po pret një mundësi për të udhëhequr një ekip në Premierligë.

Katar 2022 / Zyrtare: Spanja e ndërpret bashkëpunimin me trajnerin Luis Enrique

Duke folur për La SER Gijon, Enrique pohoi se po pret një ekip anglez për postin e tij të radhës menaxherial: "Do të doja të shkoja në Angli për të punuar. Por nuk e shoh veten në Premierligë në korrik, sepse do të doja të shkoja te një skuadër ku mund të bëjë gjëra të rëndësishme dhe kjo është shumë e vështirë. Nuk do të shkoja në asnjë ekip të Premierligës këtë vit”.

Katar 2022 / Luis Enrique flet për të ardhmen: Dua të drejtoj një klub tani

Enrique gjithashtu pranoi se ai ka lexuar gazetat angleze përpara një lëvizjeje të mundshme: "Që nga përfundimi i Kupës së Botës, unë nuk kam lexuar shtypin spanjoll, nuk kam parë rrjete sociale, kam lexuar vetëm shtypin anglez. Nuk mund të pretendoni ose pëlqeni të gjitha ose kontrolloni ato që thonë për ju. E rëndësishme është të jeni të qetë dhe të shijoni gjërat që ju pëlqejnë."

Ish-trajneri i Barcelonës është një nga disa kandidatët për postin e trajnerit të Tottenhamit, pasi londinezët shkarkuan Antonio Conten në fillim të kësaj jave. Klubi i Londrës veriore ka zgjedhur që të mos punësojë një trajner të ri deri në fund të vitit dhe të vazhdojë me Christian Stellinin.