"Do ta bëjmë sërish" - Guardiola thotë se do ta fitojnë titullin e katërt me radhë në Premierligë
Trajneri i Manchester Cityt, Pep Guardiola, vazhdon të jetë shumë i bindur që skuadra e tij do ta fitojë Premierligën për herë të katërt me radhë, pavarësisht një paraqitje jo të mirë në mbrojtje ndaj Tottenhamit.
Trajneri katalanas mendoi se skuadra e tij është ende e aftë të fitojë titullin e Premierligës për të katërtin sezon radhazi, pavarësisht një shfaqjeje të dobët në mbrojtje në disa ndeshjet e fundit të ligës.
Kampionët në fuqi kanë humbur pikë në tre ndeshjet e fundit në elitën angleze kundër Liverpool, Chelsea dhe Tottenham Hotspur ku kanë pranuar gjithsej tetë gola. Kohët e fundit ata barazuan 3:3 me skuadrën e Ange Postecoglou pasi Qytetarët humbën epërsinë e tyre dy herë në ndeshje.
Duke folur në një konferencë për shtyp para ndeshjes, Guardiola tha: "Nëse më pyet mua sot, ndjenja ime është se ne do të fitojmë Premierligën. Nëse luajmë në nivelet që treguam kundër Liverpool dhe Tottenham, ne do ta bëjmë atë sukses përsëri – duke e ditur që nuk është e lehtë sigurisht”.
Trajneri la të kuptohet gjithashtu se mesfushori me pak minuta Kalvin Phillips, i cili lidhet me një largim nga klubi në janar, mund të luajë një pjesë në ndeshjen e tyre të ardhshme në ligë kundër Aston Villas të mërkurën.
Në lidhje me mundësinë e mesfushorit për të luajtur ndeshjen, ish-trajneri i Barcelonës tha: "Ka një shans [për Kalvin Phillips të luajë kundër Villas]. Sot, më duhet të shoh stërvitjen pasdite dhe të shoh se si janë dhe si ndihen lojtarët. Vendimi do të bëhet nesër”.
Manchester City aktualisht është e treta në ligë, tre pikë prapa liderit Arsenal dhe një pas Liverpoolit.
Pas përballjes me skuadrën e Unai Emery në mesjavë, ata do të shkojnë në Kenilworth Road ku do të përballen me Luton Town të dielën.
